Mund të flasësh me “Google”, do ta përkthejë zërin tënd

Të reja interesante presin përdoruesit e Chrome, "browser"-i i Google. Për ata që duan ta testojnë, versioni Beta ofron mundësinë për të provuar funksionalitetin e ri “voice-to-text’, i aftë për të përkthyer diskutimin zanor, në një tekst tërësisht përmes Web-it. Funksioni është rezultati i punës që Google ka zhvilluar bashkë me Html 5 Speech Incubator Group, që merret me integrimin e teknologjive të njohjeve vokale në specifikën e standardit për internet me partneritetin e W3C, dhe nga eksperimentë të udhëhequr përmes sistemit operativ Android për dispozitivë të lëvizshëm. Instrumenti mund të aktivizohet në faqet e "Web"-it që do të prezantojnë një ikonë, me të cilën mund të nisësh një regjistrim përmes mikrofonit të kompjuterit. Diskutimi i kapur nga "browser"-i do të dërgohet në serverët e "Google" për transkriptimin dhe teksti rezultant do të ridërgohet në faqen e internetit. Versioni eksperimental, që mund të japë rezultate entuziaste, siç paralajmëron një artikull i revistës "Mit", ka nevojë për axhustime, por impenjimi për të standardizuar aplikime që i lejojnë përdoruesit të ndërveprojë me faqe online, përmes komandave të thjeshta vokale, do të sjellë me siguri një zhvillim të ri në përdorimin e risive teknologjike. Për të bërë një kërkim, për shembull, do të mjaftojë të përmendet fjala e dëshiruar dhe ‘software’ i lundrimit do të na ofrojë rezultatet e operacionit. Me të njëjtin mekanizëm mund të bëhen komente, apo të përdoren “Facebook”, apo “YouTube”.