Muslimanët më shumë brengosen për ushqimin hallall, se sa për fitimin hallall

Zëvendësministri në Departamentin e Kryeministrit të Malajzisë, i ngarkuar me çështjet islame, Dr.Asyraf Wajdi bin Dato’ Dusuki thotë se muslimanët e sodit më shumë brengosen për statusin (hallall) të ushqimit të tyre se sa për statusin e burimit të të ardhurave të tyre.
Ai, thotë se shumica Islamin e kuptojnë vetëm në raport me ibadetin, përderisa çështjen e hallallit dhe haramit, ajo që është e lejuar dhe e ndaluar në Islam, e shikojnë vetëm përmes konsumimit.
“Shqetësimi rreth ushqimit dhe kodit hallall është shumë i rëndësishëm. Por, një shqetësim i ngjashëm nuk ekziston kur bëhet fjalë burimin e të ardhurave nga i cili blihet ai ushqim hallall”, ka thënë dr. Asyraf në fjalimin e tij në një seminar mbi institucionet financiare islame.
Ai tha se kur bëhet fjalë për konsumimin e mishit, të gjithë kujdesen që mishi të jetë i therur sipas Sheriatit, por jo aq shumë për të hollat me të cilat blihet ky mish.
“Megjithatë, ata nuk kujdesen nëse paratë me të cilat blihet ky ushqim vjen nga fajdeja, interesi, korrupsioni. Kjo është diçka që sot është e pranishme në shoqërinë tonë “, tha ai.
Këtë javë, ministri Seri Jamil Hir Baharum tha se qeveria nuk do të lëshojë certifikatën hallall për ‘birrën’ pa alkool ose çfarëdo produkti tjetër që ka lidhje me ‘haramin’ si sallama apo proshuta.
Sipas agjencisë kombëtare të lajmeve Bernama, Ministri ka thënë se termi “birrë hallall ‘është në kundërshtim me procedurën e certifikimit hallall në Malajzi.