Moskë: Muslimanët kërkojnë më shumë xhami

Moska me popullsinë më të madhe muslimane në Evropë ka vetëm katër xhami të cilat as për së afërmi nuk i plotësojnë nevojat e rreth dy milion besimtarëve t'i kryerjnë ritet e tyre fetare
Për këtë arsye, në mungesë të hapësirave për lutje, ata me këmbëngulje kërkojnë ndërtimin e xhamive të reja në këtë qytet.
Ditëve të premte, mijëra besimtarë musliman mbushin rrugët dhe trotuarët në afërsi të xhamive të kryeqytetit rus.
"Ne nuk kemi hapësira të mjaftueshme", thotë Yusup Sadjanovich, një besimtar musliman, i cili detyrohet të falet në rrugë, afër xhamisë qendrore të Moskës. “Në të shumtën e rasteve jam i detyruar të falem jashtë. Nuk më kujtohet hera e fundit kur jam falur brenda në xhami”, përfundon Sadjanovich.
Në Xhaminë qendrore mund të hyjnë vetëm 800 njerëz, mijëra besimtarë tjerë detyrohen të falen në korridore, zyra, oborr, dhe përfundimisht në trotuare dhe rrugë anësore jashtë xhamisë.
“E premtja është ditë e rëndësishme për ne muslimanët, kjo është edhe arsyeja pse qëndroj këtu, në rrugë”, thotë Ibrahimi, një tjetër besimtarë musliman. “Xhamia i është nënshtruar renovimeve të mëdha, prandaj shumë njerëz nuk kanë mundësi të hyjnë brenda”.
Imami i xhamisë, Ildar Ayautdinov, thotë se nëse kjo gjendje nuk ndryshon, në të ardhmen muslimanët e moskës do të detyrohen që të falen nëpër kishat e qytetit.
“Në Rusi kemi problem me perceptimin jo të drejtë të muslimanëve. Popullata krishtere mendon se xhamitë janë qendra ku mblidhen terroristët dhe fanatikët, prandaj edhe kundërshtojnë ndërtimin e tyre”, shtoi imami Ayautdinov./islamgjakova/