SË SHPEJTI PERIUDHË E RE NË MARRËDHËNIET TURQI-BE

Në paragrafin për Turqinë në vendimet e Brukselit për zgjerimin, të miratuara nga Ministrat e Jashtëm të Bashkimit Evropian është rikthyer edhe një herë fjala "pjesëmarrës", term që nuk përdorej prej 5 vjetësh për Turqinë.Me sa duket do të fillojë një periudhë e re në marrëdhëniet Turqi-Bashkimi Evropian.

Në paragrafin për Turqinë në vendimet e Brukselit për zgjerimin, të miratuara nga Ministrat e Jashtëm të Bashkimit Evropian është rikthyer edhe një herë fjala "pjesëmarrës", term që nuk përdorej prej 5 vjetësh për Turqinë.

Brukseli ka hedhur hapin e parë që do tu japë shtysë marrëdhënieve me Ankaranë në prag të presidencës irlandeze që do të fillojë në janar.

Në projektvendimet që pritet të miratohen nga liderët e BE në samitin që do të zhvillohet gjatë datave 13-14dhjetor Turqisë i është kushtuar një vend i gjerë.

Në tekstin e këtyre vendimeve theksohet se Turqia me ekonominë e saj dinamike dhe pozitën strategjike që ka është një “partner kyç për Bashkimin Evropian". Kurse shprehja "pjesëmarrës", e bllokuar për 5 vjet nga Sarkozi ka zënë sërish vendin e saj në paragrafin për Turqinë.

Në projektvendim thuhet se “është në interesin e të dyja palëve që bisedimet e pjesëmarrjes (anëtarësimit) të marrin një shtysë brenda një kohe të shkurtër”, ndërsa nënvizohet se Ankara bisedimet për anëtarësim mund ti përshpejtojë duke përmbushur kriteret dhe përgjegjësitë që rrjedhin nga procesi.

Në vendimet e tij Brukseli ka përdorur edhe një gjuhë që nxit punimet për hartimin e kushtetutës së re ne Turqi.

Me qëllim marrjen e rezultateve pozitive në punimet për kushtetutën e re një rëndësi të madhe bart mbrojtja e procesit ekzistues demokratik dhe pjesëmarrës, nënvizohet në vendimet e BE-së për zgjerimin.

Gjithashtu në tekstin e projektvendimit flitet me lëvdata për zhvillimet pozitive në ekonominë turke dhe nënvizohet se Bashkimi Evropian është në solidaritet të plotë me Turqinë në luftën kundër terrorit.

Në paragrafin e Turqisë bëhet fjalë edhe për politikën e jashtme aktive të Ankarasë në rajon, ndërsa shprehet keqardhja e thellë për bojkotimin që i bëri Turqia presidencës së radhës së BE-së (kryesimit grekoqipriot).


/trt/