Konsumi i alkoolit, prezent tek moshat fëminore

TIRANË- Dukuria e konsumit të alkoolit në moshat fëminore, duke nisur nga 11-12 vjeç, është prezente në vend. Edhe pse mungojnë të dhënat për matjen e kësaj dukurie në mbarë vendin, studimet e ndryshme tregojnë se konsumi i alkoolit në këtë moshë është më i lartë në zonat urbane sesa rurale dhe tek djemtë më tepër, sesa tek vajzat.

“Të dhënat janë nga studime të ndryshme, edhe nga organizata joqeveritare, tregojnë se dukuria e konsumimit të alkoolit në moshën 11-12 vjeç është prezente. Më prezente kjo dukuri është në zonat urbane se ato urbane dhe më shumë tek djemtë se tek vajzat. Por, kërkohen studime të tjera për të vlerësuar sa më mirë gjendjen”, tha drejtori i Shëndetit Publik në Ministrinë e Shëndetësisë, Gazmend Bejtja.

Bejtja tha se “është tentuar të vlerësohet konsumi i alkoolit tek të rinjtë në shkollat e mesme, në grupmoshat 14-15 dhe 19 vjeç, si dhe në moshat më të rritura, sidomos në ato riprodhuese. Më delikat është konsumi i alkoolit në moshat shkollore, adoleshentët”. Sipas tij, nga 2 sondazhe në harkun kohor të 4-5 viteve është parë që të paktën 1/3 e nxënësve të shkollova të mesme në grupmoshën 17-18-19 vjeç kanë konsumuar të paktën 1 pije alkoolike ditët e fundit.
“Kjo është një e dhënë që dëshmon për një stil jetese që fillon e kultivohet që në moshë të re e fillon të bëhet pastaj persistent në moshë më të rritur e duke filluar më pas me problem”.
(m.a/BalkanWeb)