SHBA, iftar në kishë

nga **emine** Mon Jul 30, 2012 9:39 am

Kisha e Besëlidhjes së Parë në Sakramento të Kalifornisë, ka shtruar një iftar në nderim të agjërimit të myslimanëve në muajin e Ramazanit.
Autoritetet e kishës thanë për mediat se e kanë ndërmarrë këtë nismë si vlerësim për myslimanët në këtë muaj agjërimi, por edhe si një mundësi që njerëz të dy besimeve të njohin kulturën dhe traditat e njëri-tjetrit.
“Është një eksperiencë e veçantë”, tha Irfan Haq, anëtar i komunitetit mysliman të Sakramentos. “E shoh si diçka pozitive, pasi më jepet rasti të takoj njerëz që besojnë dhe mendojnë ndryshe nga unë.”
“Ne duam të mësojmë për ngjashmëritë në Bibël dhe Kuran”, tha Mark Shetler, pastori kryesor i kësaj kishe. “Mendoj se sot nuk ekziston një ndarje e thellë mes shoqërisë perëndimore dhe botës arabe.”
Aktivitete të tilla shërbejnë si ura lidhëse mes komuniteteve fetare që veprojnë në këtë hapësirë dhe nga ana tjetër sheshojnë çdo keqkuptim që vjen për shkak të mosnjohjes së ndërsjellë.
Edhe pse nuk ka shifra zyrtare, në Shtetet e Bashkuara besohet se jetojnë 6-8 milion myslimanë.
29/07/2012/
/Drita Islame/