Liber i ri: Imam Buhariu, jeta dhe vepra

nga **Forum Kulturor** Wed Jun 27, 2012 6:36 pm

Titulli: Imam Buhariu, jeta dhe vepra
Autor: Bashkim Aliu
Lektor: Elez Ismaili
Redaktor: Hamdi Iljazi
Botues: Furkan ISM

Botimi i parë më 1999, botimi i dytë më 2012.

Libri është një monografi për imam Buhariu. Në të jepet një përshkrim i gjërë i jetës dhe veprës së imam Buhariut, njërit nga figurat më të shquara të fushës së hadithit-traditës profetike.

Në veçanti trajtohet vepra më e shquar e imam Buhariut e njohur si “Sahihu-l-Buhari”, e cila vepër përfshinë thënie autentike të të Dërguarit të Allahut s.a.v.s., dhe pas Kur’anit i cili është fjalë e Allahut të Madhërishëm, Sahihu-l-Buhari është libri më autentik që përfshinë thëniet e të Dërguarit të Allahut s.a.v.s.

Rëndësia e këtij libri qëndron në atë se pas përkthimit të veprës së Buhariut “Sahihu-l-Buhari” në gjuhën shqipe, kërkohet një vepër më e hollësishme për njohjen e jetës dhe mënyrës së përpilimit të kësaj vepre dhe veçoritë e saj. Ky libër jep përgjigje në shumë pyetje që kanë të bëjnë me jetën dhe veprën e Imam Buhariut.

Libri ndahet në dy pjesë:

I-Jeta, ku hasen titujt vijues:Lindja; Formimi; Udhëtimi i Buhariut në kërkimin e diturisë; Gjenialiteti i Buhariut; Njohuritë e Buhariut nga shkencat islame; Mësuesit e Buhariut; Morali dhe devotshmëria e Buhariut; Buhariu në ibadet; Buhariu dhe praktikimi i sunetit; Nxënësit e Buhariut; Pozita e Buhariut në mesin e njerëzve; Fjalë miradie të dijetarëve për Buhariun; Kështu fliste Buhariu; Veprat e Imam Buhariut; Vdekja e Imam Buhariut.

II-Vepra, ku hasen titujt vijues:Sahihu-l-Buhari:motivi i përpilimit të Sahihut; emri i plotë i Sahihut; mënyra e përpilimit të Sahihut; kohëzgjatja e përpilimit të Sahihut; vendi i përpilimit të Sahihut; përmbajtja e Sahihut; përsëritja dhe ndarja e disa haditheve në pjesë; numri i haditheve; kushtet e Buhariut; kritikat ndaj transmetuesve dhe transmetimeve të Buhariut; Sahihu mes librave tjerë të Sunetit; Sahihu-l-Buhari në sytë e shkencetarëve; komentet rreth Sahihut.
Në fund jepet pasqyrë e literaturës së shfrytëzuar.

Libri ka 176 faqe.

Librin mund te gjeni në librarinë Sira në Prishtinë si dhe në libraritë islame në trojet shqiptare. Në diasporë mund te porositni në këtë adresë: www.islamischen.ch