Indi, mjekët nxjerrin peshkun e gjallë nga mushkëria e fëmijës

nga Anjela Thu Jun 14, 2012 9:08 am

INDI- Mos e beso po deshe, por mjekët indian kanë realizuar heqjen e një peshku të gjallë nga mushkëria e një djaloshi 12-vjecar.

Sipas mediave të Indi, Anil Barela vetëm 12 vjec, kishte gëlltitur një peshk të gjallë prej 9 centimetrash teksa luante me shokët e tij në afërsi të një lumi. Kjo është një fenomen i përhapur në Indi, pasi fëmijët shpesh gëlltisin peshq teksa luajnë pranë lumenjve, mirëpo në këtë rast peshku kishte shkuar në rrugë të gabuar dhe ka përfunduar në mushkëritë e fëmijës.

Por historia nuk përfundon këtu. Anil pasi ka gëlltitur peshkun e gjallë, i janë shfaqur vështirësi në frymëmarrje dhe prandaj ai është drejtuar për në dyert e spitalit, ku dhe iu bë një radiografi nga e cila u zbulua se peshku kishte ngecur në mushkëritë e tij.

Mjekët janë detyruar ta operojnë 12-vjeçarin dhe vetëm mbas operacionit, që zgjati 45 minuta, kanë zbuluar se peshku vazhdonte të ishte ende i gjallë.
“Peshku ka qenë i gjallë dhe ka penguar funksionet e mushkërive”, ka thënë kirurgu Dr. Pramod Jhaëar, duke shtuar se kjo ishte hera e parë në karrierën e tij që shihte diçka të tillë.
(e.m/BalkanWeb)