Rusi, takim me stilisten e veshjeve myslimane

Në Kazan të Rusisë, stilistja gjermane e veshjeve, Sabirzyanova Fakiey, zhvilloi një takim me të rinj myslimanë. Takimi me temë “Pamja e brendshme e njeriut në kulturën myslimane” u organizua në klubin e të rinjve “Altyb Urt” i krijuar nga departamenti për punët e risisë SAMRT.
Takimi filloi me një prezantim nga stilistja Fakiey, e cila në bisedën me të rinjtë i udhëzoi se si të zgjedhin veshje të përshtatshme, përmes të cilave mund të shprehin edhe qëllimet e tyre, në atë mënyrë që pamja e jashtme (veshja) të pasqyrojë gjendjen e brendshme.

Gjatë bisedës, femrat myslimane i drejtuan stilistes pyetje të shumta. Disa prej tyre donin të dinin se si të zgjedhin një vello harmonike me ngjyra të përshtatshme, disa të ishin të interesuar për mënyrën dhe zgjedhjen e stilit, si dhe për trendet e reja të veshjeve myslimane.

Përveç kësaj, stilistja Fakiey ofroi dhe prezantoi disa mënyra të mbajtjes së shamisë, si dhe ide të në modelimin e flokëve të femrave myslimane.

“Në çdo traditë, gratë duhet të jenë gra, dhe burrat – burra. Gratë duhet të shfaqin vlera shpirtërore dhe morale të cilat në një farë mënyre mund të pasqyrohen edhe përmes rrobave. Sipas mendimit tim, një grua duhet të jetë simpatike në të gjitha pikëpamjet. Kuptimi dhe misioni i punës time është të krijoj diçka që i përshtatet botëkuptimit tim në përshtatje me Islamin. Dhe për këtë myslimanët, veçanërisht gratë myslimane, duhet të përqendrohen jo vetëm në bukurinë e brendshme, por edhe te ajo e jashtmja, sepse bukuria e brendshme reflektohet në atë jashtmen! Njeriu besimtar gjithnjë ka arritur të krijojë një ekuilibër mes të brendshmes dhe të jashtmes!

Sipas botëkuptimit tim, femra myslimane në veshje duhet të jetë e bukur, elegante. Një grua myslimane, veshur me hixhab duhet të mendojë për faktin se ajo përfaqëson jo vetëm veten, por edhe Islamin dhe myslimanët”, u shpreh Fakiey gjatë takimit. /Drita Islame/