Kriza në Siri, mblidhen sot OKB, Rusi dhe SHBA

Staffan de Mistura, i dërguari special i OKB-së për Sirinë, do të takohet sot në Gjenevë me përfaqësues të lartë rusë dhe amerikanë.

Sipa zëdhënëses së De Misturës, Jessy Chahine, "Mbledhja do të zhvillohet të martën në Gjenevë”.

De Mistura do të bisedojë me të dërguarin amerikan për Sirinë, Michael Ratney dhe me zëvendësministrin rus të Punëve të Jashtme, Guennadi Gatilov.

Nga ana tjetër, sekretari amerikan i Shtetit, John Kerry ka parashikuar në të njëjtën kohë një takim me ministrin rus të Punëve të Jashtme, Serguei Lavrov në Laos, në kuadër të mbledhjes së vendeve të Azisë juglindore. /albeu.com/