Roboti Asimo, tani është më inteligjent

Asimo, roboti i famshëm i kompanisë Honda vazhdon të rritet. Shkencëtarët japonezë kanë revizionuar automën humanoide. Tani është në gjendje të kërcejë mbi një këmbë, të qëndrojë në ekuilibër e të “logjikojë”.

Roboti shpejt do të mund të përdoret në zonat e goditura nga katastrofat. Asimo i quajtur kështu për nder të shkrimtarit të fantashkencës Isaac Asimov, është i gjatë sa një fëmijë (130 cm),dhe tashmë është përmirësuar, për të qenë më i ngjashëm me një njeri.

Nga Honda Labs bëjnë të ditur se roboti peshon 6 kilogramë më pak se versioni i 2005, mund të eci me një shpejtësi deri në 9 km në orë, edhe së prapthi dhe në sipërfaqe jo të barabartë. Përveç kësaj njeh zërat e të paktën tre personave që flasin njëzëri falë analizës së zërit dhe njohjes së fytyrës. Me anë të gishtave mund të kuptohet në gjuhën e shenjave ose të hapë një shishe dhe të hedhë përmbajtjen në një gotë.

Asimo arrin të marrë vendime autonome në varësi të ambientit përreth, pra është shembulli i parë i kontrollit autonom të sjelljes.”Asimo përdor një inteligjencë artificiale me anë të së cilës është në gjendje të lëvizë vetëm, pa pasur nevojë që dikush ti japë urdhrin në distancë” ka shpjeguar presidenti i Honda, Takanobu Ito.

Asimo (që në japonisht do të thotë edhe këmbë) nuk është më “lodra” teknologjike e prezantuar në vitin 2000. Shumë shpejt do të mund të ndihmojë kundër rrjedhjeve radioaktive të reaktorit në Fukushima, pra një mision në shërbim të popullatës.

(a.s/BalkanWeb)