Xhamitë e Turqiesë tashme me vende me te vecanta per grate

Në xhamitë anembanë Turqisë do të ndërtohen hapësira të veçantë për besimtaret muslimane.
"Edhe gratë kanë të drejtë të shkojnë në xhami për ta kryer namazin, kështu që në një periudhë shumë të shkurtër kohore, në të xhitha xhamitë e vendit do të ndërtohen hapësira të veçanta për ato. Është e papranueshme që gratë të vendosen në disa skaje të xhamisë. Ato duhen të jenë të barabarta me burrat, ato duhet të akomodohen në vende të posaçme, aty ku ato do të ndihen mire”, tha Myftiu i Stambollit, Mustafa Çağrıci.

Problem kryesor për mospjesëmarrjen e grave turke që duan të kyçen në aktivitetet fetare është mungesa e hapësirave të veçanta në xhami. Për këtë arsye autoritet fetare janë duke punuar me të madhe që ky problem të tejkalohet, dhe në të ardhmen edhe gratë të kenë vendin e tyre, ku mund t’i kryejnë namazet dhe ritet tjera fetare.