Hapet panairi shkencor ne Medresene e Kavajes "Hafiz Ali Korca"

Në vijim të aktiviteteve që organizojnë rregullisht medresetë në mbarë vendin, në datën 11 Maj 2011 u çel në Medresenë “H. Ali Korça” në Kavajë panairi shkencor në fushat e fizikës, kimisë, biologjisë, matematikës dhe informatikës. Pjesëmarrja ishte e gjerë duke përfshirë të gjithë nxënësit e kësaj shkolle. Panairi konsistonte në prezantimin e njohurive Shkencore të eksperimentuara dhe të performuara në mënyrë të shkëlqyer nga nxënësit pjesëmarrës të këtij aktiviteti.

Në hapjen e panairit ishin të pranishëm përfaqësues të drejtorisë arsimore të qytetit të Kavajës, Drejtori i Arsimit dhe Rinisë në KMSH z. Altin Shima, Drejtori i Marrëdhënieve me Publikun z. Agron Hoxha si dhe shumë drejtues dhe mësues të shkollave të qytetit. Panairin e vizituan edhe nxënësit e shkollave 9 vjeçare dhe të mesme të qytetit të Kavajës. Vizitorët më të veçantë ishin prindërit të cilët me kënaqësi dëgjonin performimin e eksperimenteve në gjuhët shqipe dhe angleze. Ajo ç’ka e bënte më interesant këtë panair ishte fakti që vizitorët ishin pjesë e lojërave argëtuese, shkencore që u zhvilluan në të.