Protesta kundër arrestimit të ish pjesëtarëve të UÇK-së

nga **Redi** Thu Mar 17, 2011 9:46 pm

Studentët e Universitetit të Prishtinës kanë kundërshtuar arrestimet e pjesëtarëve të UÇK-së, që u bënë nga ana e EULEX-it një ditë më parë.

Në mbrojtje të vlerave të Luftës së UÇK-së studentët marshuan nga Mensa e Studentëve deri tek selia qendrore e EULEX-it.

Studentët kanë kërkuar lirimin e menjëhershëm të ish-ushtarëve të UÇK-së të cilët janë arrestuar mbrëmë.

Gjatë protestës ata kanë brohoritur parulla në mbështetje të të arrestuarve. Ndërkohë, një numër i madh i forcave policore kishin rrethuar ndërtesën e EULEX-it, ndërsa protesta përfundoi e qetë.

Organizatorët kanë paralajmëruar se protestat do të vazhdojnë edhe në ditët e ardhshme, raporton RTK.

Po ashtu gjatë të ditës së sotme edhe në Sheshin e Dëshmorëve në Malishevë u mbajt një protestë kundër arrestimit të ish-pjesëtarëve të UÇK-së nga kjo komunë protestë kjo e organizuar nga degët e Organizatave të dala nga Lufta e UÇK-së në Malishevë dhe është mbështetur nga qytetarët.

Protestuesit kanë marshuar drejt qendrës së qytetit, ku me brohoritje e pankarta kërkuan që EULEX-i të ndërpres akuzat dhe shpifjet politike për luftën e drejtë të UÇK-së.