Sulmi në Turqi, këngëtari Ibrahim Tatlises rrezikon paralizën

Këngëtari i famshëm turk, Ibrahim Tatlises, i cili është qëlluar në kokë të dielën mbrëma, sipas mediave turke, është operuar tri herë dhe ende është në kujdes intensiv.
Mjekët që po kujdesën për të, kanë thënë se ai ka pësuar lëndime në tru dhe rrezikon të mbetet i paralizuar.
Presidenti i Turqisë, Abdullah Gyl tha se ka ndjekë nga afër zhvillimet në rastin e Tatlisesit dhe se shpreson se ai të shërohet shpejt. Ndërsa kryeministri turk Rexhep Erdoan telefonoi në spital dhe ka kërkuar nga mjekët që të bëjnë gjithçka që është e mundshme për të shpëtuar jetën e këngëtarit Tatlises. Policia është në kërkim të sulmuesve që kanë shtënë me armë zjarri nga një veturë e zezë, duke u larguar me pas nga vendi i krimit.