Horror ne Japoni, shperthim tjeter ne Fukushima

Operatorët në dy punishtet bërthamore po përpiqeshin të mbanin ulët temperaturat në reaktorët e dëmtuar nga tërmeti i madh i së premtes .
Dy shperthime te tjera te fuqishme jane degjuar dhe pare ne centralin berthamor te Fukushimes ne Japoni. Shperthimi ndodhi rreth ores tre te nates me oren tone. Te pakten 7 persona jane deklaruar te zhdukur nga shperthimi ne reaktorin numer tre te Fukushimes. Ekspertet thone se gazi i hidrogjenit ka shkaktuar shperthimin pasi ftohja nuk funksiononte me per shkak te avarise pas termetit. Nderka paralajmerohet per nje tjeter shperthim, por kete here ne reaktorin nr 2.
Nderkaq të paktën 170 mijë japonezë që i mbijetuan tërmetit dhe cunamit kanë braktisur shtëpitë nga frika e përhapjes së ndotjes radioaktive nga centralet e dëmtuara bërthamore.
Zyrtarët thonë se dhjetëra njerëz mund t’i jenë ekspozuar rrezatimit ndërsa po evakuoheshin nga një vendbanim në afërsi të punishteve të dëmtuara. Ata dhe qindra të tjerë po testoheshin për ekspozim ndaj rrezatimit.
Autoritetet thonë se shpërthimi i hidrogjeni tronditi sot në mëngjes njërin prej impiantëve bërthamorë në Fukushima në veri të Tokios, duke liruar një re tymi të bardhë në ajër. Zyrtarët thanë në një konferencë shtypi se ndërtesa ishte ende e sigurt dhe se kishte pak rrezik të rrezatimit masiv.
Operatorët në dy punishtet bërthamore po përpiqeshin të mbanin ulët temperaturat në reaktorët e dëmtuar nga tërmeti i madh i së premtes. Autoritet po përdornin ujë deti në përpjekje për të zvogëluar shtypjen e brendshme në reaktorë.
Në ndërkohë, kompanitë energjetike në mbarë Japoninë paralajmërojnë se do të ketë ndërprerje të furnizimit me energji elektrike për shkak të rënies së prodhimit.
____
Burimi: ikub.al

e te shkretit
tani edhe nje shperthim tjeter ju duhet ketyre