Përse mbulohen femrat muslimane?

Nga: Nexhat Ibrahimi

Përse mbulohen femrat muslimane?
Për një shumicë njerëzish, e sidomos për botën perëndimore, nuk është e qartë përse disa femra muslimane mbulohet. Mbase përgjigjja më e mirë është në një tregim të shkurtër, të cilin gjithsesi duhet lexuar.

Një britanik erdhi te një njeri i mençur dhe e pyeti atë:
- Përse te ju muslimanët nuk lejohet që meshkujt të përshëndeten me dorë me femrat? A nuk është kjo e pazakonshme?
I mençuri u përgjigj me pyetjen tjetër:
- A mund të përshëndetesh për dore ti me mbretëreshën Elizabeth?
Britaniku u përgjigj:
- Natyrisht që jo. Janë vetëm disa persona të cilët mund të përshëndeten për dore me mbretëreshën tonë. Unë nuk jam në mesin e tyre...
Atëherë urtari tha ...
- E sheh. Gratë tona janë mbretëresha, ndërsa mbretëreshat nuk përshëndetën për dore me meshkujt e panjohur.
Atëherë britaniku tha:
- E përse vajzat tuaja e mbulojnë trupin dhe kokën e tyre? A nuk është diskriminim dhe abuzim me to?
Urtari vetëm u buzëqesh dhe nga xhepi i vet nxori dy karamela çokollate. Njërën e shpalosi nga mbështjellësja prej celofani, kurse tjetrën e mbajti në mbështjellësen origjinale. Atëherë të dy karamelat i hodhi në dyshemenë me pluhur. Pastaj e shikoi britanikun dhe i tha:
- Nëse tash të them ta marrësh njërën prej dy karamelave dhe ta hashë, cilën prej tyre do ta merrje dhe do ta haje?
Britaniku nuk mendoi gjatë e tha:
- Këtë në celofan, natyrisht.
Urtari sërish qeshi lehtë dhe tha:
- Kjo është mënyra si i shohim ne femrat tona.