Si të Falemi

Namazi i sabahut përbëhet prej 4 rekateve: 2 sunet dhe dy farz
Namazi i Drekës përbëhet prej dhjetë rekateve: 4 sunet, 4 farz, 2 sunetet të fundit.
Pasi të kemi bërë nijetin për sunetin e drekës, e fillojmë namazin me tekbirin fillestar. Këndojmë lutjet Subhaneke, eudhu-besmele, suren Fatiha dhe një sure tjetër. Pas rukusë dhe dy sexhdeve ngrihemi në rekatin e dyte. Këndojmë besmelen, suren Fatiha dhe një sure tjetër. Pas rekatit të dytë qëndrojmë në uljen e parë ku lexojmë vetëm ettehijjatin me shehadet. Pastaj ngrihemi në rekatin e tretë dhe të katërt, në të cilët këndojmë të njëjtat sure sikurse në rekatin e dyte. Në fund qëndrojmë në uljen e fundit, ku këndojmë ettehijjatin, salavatin dhe duatë. Pasi përfundojmë këto japim selam nga ana e djathte me pas ne te majte.
Namazi i ikindisë ka 8 rekate: 4 sunet dhe 4 farz.
Suneti i ikindisë ndryshon në të falur nga ai i drekës. Në uljen e parë, përvec ettehijjatit lexohen edhe salavatet, dërsa kur ngrihemi në rekatin e tretë lexohen edhe lutjet subhaneke, eudhu, besmele. Farzi është plotësisht i njëjtë me atë të drekës. Njëkohësisht edhe lutjet pas namazit janë të njëjta.
Namazi i akshamit ka 5 rekate, 3 Farz dhe 2 sunet.
Dy rekatet e para të këtij namazi falen sikurse farzi i sabahut duke mos i lexuar salavatet në uljen e parë, kurse në rekatin e tretë lexohet vetëm surja ” Fatiha”.
Namazi i Jacisë ka 13 rekate: 4 sunet ( jo i fortë), 4 farz, 2 sunet i fundit dhe 3 salati vitër.
Suneti i jacisë falet sikurse suneti i ikindisë. Farzi falet sikurse farzi i drekës dhe ikindisë. Dy rekatet e fundit të sunetit falen sikurse suneti i sabahut.