80 vjet nga vdekja e Haxhi Vehbi Dibrës...

Më 24 mars 1937 do të ndërronte jetë në Tiranë një nga figurat dominante të Shqipërisë moderne, Haxhi Vehbi Dibra, Zoti e pastë mëshiruar dhe ia bëftë varrin një lulishte xheneti. Ai ka qenë një figurë qendrore e Pavarësisë, e ruajtjes së kufijve të Shtetit të sapoformuar shqiptar, duke luftuar me armë e me të gjitha aftësitë e tij intelektuale. Më tej ndihmon në themelimin e Gjyqit të Naltë të Sheriatit, e më pas në ngritjen e Komunitetit Mysliman Shqiptar. Dallohet për aftësitë e tij oratorike, dijet e thella dhe në komentin e Kuranit Famëlartë. Në të gjithë jetën e vet politike dhe fetare u udhëhoq nga parimet e dashurisë së lartë për fenë islame dhe atdheun, të cilëve iu kushtoi jetën e tij. Tërhiqet në jetë private në vitin 1929, pas Kongresit të Tretë të KMSH-se, pas një veprimtarie shumë të pasur në dobi të kauzës shqiptare dhe shtetit shqiptar.