Rama bëri mirë që ua tregoi grekëve miqësinë me Erdoganin

E lexova intervistën e kryeministrit shqiptar në televizionin grek Skay… Ishte më e fortë nga tradita sahanlëpirëse e politikës shqiptare; por s’mjafton; sepse:

l.

Kryeministri shqiptar duhet te vijojë me këtë qëndrim:

Hordhitë greke kane vrarë në Çamëri edhe fëmijë, madje, edhe foshnja, duke i quajtur këta fëmijë “si kolaboracionistë” me nazistët gjermanë.Ata vranë dhe dëbuan nga trojet dhe shtëpitë e tyre mijëravjeçare shqiptarë autoktonë të pafajshëm me anë të gjeneralit Napoléon Zerva, në një kohë që vetë Zerva ka qenë nazist, dhe nuk u pranua kurrë nga perëndimorët që të ishte ministër në qeveritë greke të pasluftës: për këtë duhet kërkuar hetim ndërkombëtar, me anë te forcës së aleatëve tanë.

Qeveritë greke kanë përndjekur gjuhën shqipe, madje e kanë quajtur atë “të mallkuar”.

Gjenocidi kundër shqiptareve të Çamërisë është një fyerje e madhe historike që iu është bërë shqiptarëve dhe Shqipërisë nga Greqia.

Shteti shqiptar e ka detyrë historike vendosjen në vend të nderit të nëpërkëmbur të Shqipërisë dhe të shqiptarëve, në gjenocidin antiçam, nga shteti Grek.Mospranimi i çështjes së gjenocidit anti-çam nga qeveritë greke, tregon se ato ndihen të fajshme, dhe nuk duan t’i shpërblejnë shqiptarëve dëmin kolosal që iu kanë shkaktuar.

ll.

Shumë mirë bëri Rama qe dje iu tregoi grekëve miqësinë me kryeministrin turk Erdogan, se grekët kanë dislokuar trupa ushtarake në kufirin tonë.

Qeveria shqiptare duhet të fillojë procesin e riarmatosjes së Shqipërisë dhe te miratojë në Parlament urgjent “ligjin për shërbimin e detyrueshëm ushtarak”.Qeveria shqiptare duhet që urgjentisht të nënshkruajë marrëveshjet e kredisë ushtarake dhe ndihmës ushtarake me Shtetet e Bashkuara, me Gjermaninë, me Francën dhe me Italinë.

Për historinë që po vjen, Shqipëria duhet te jetë forcë ushtarake në Ballkan, element parësor politik ky, i cili i nevojitet shumë sot edhe aleances shqiptaro-amerikane në Ballkan.
nga: /telegrafi.com/