Foto Reportazh/ 10 mijë shqiptarë “çmendën” Vjenën

Megjithëse ishte një mot me shi dhe kontrollet ishin të rrepta, shqiptarët vërshuan në rrugët e Vjenës që disa orë përpara ndeshjes mes dy kombëtareve. Festa e tyre nuk u ndal në asnjë moment. Ajo vijoi edhe pas takimit, pavarësisht rezultatit. E gjitha kjo në sytë e austriakëve dhe vjenezëve, tepër të qetë dhe jo edhe aq të zhurmshëm. Edhe pse në transfertë dhe në një stadium tepër miqësor, “Ernst Happel Stadium”, tifozëve kuqezi nuk iu janë lejuar të fusin banera brenda tij dhe ndonjë pankardë në mbështetje të skuadrës, ndaj vetëm duartrokitjet, brohorimat dhe vërshëllimat për kundërshtarin ndonjëherë kanë qenë “koreografia” e vetme, me flamujt shqiptar sigurisht të pranishëm në çdo kënd të tribunave, madje edhe pranë flamurit austriak./lapsi.al/