Ka dokumente që e vërtetojnë shfaqjen e UFO-ve në Britani

Në mesin e eksperiencave më të famshme me UFO, që kanë ngjarë ndonjëherë në Britani të Madhe, është rasti që ka ngjarë në Safollk të Anglisë, ku një grumbull njerëzish kishin parë UFO. Ndonëse për vite të tëra njerëzit kanë qenë skeptikë sa i përket vërtetësisë së këtij rasti, një ish- oficer i ushtrisë amerikane ka ndikuar paksa në zbardhjen e këtij rasti, duke pretenduar që ekzistojnë disa dokumente top-sekret, që dëshmojnë se shfaqja më e famshme e UFO-ve në Britani ka qenë, në fakt, reale dhe nuk është mashtrim siç pretendojnë disa njerëz, transmeton gazeta Kosova Sot Online.

Para më shumë se 35 vjetësh, në dhjetor të vitit 1980, qielli në Safollk ishte mbushur me drita të çuditshme dhe të jashtëzakonshme dhe shumë dëshmitarë të kësaj ngjarje kishin pretenduar që kishin parë një anije kozmike të jashtëtokësorëve, që ishte zbarkuar në tokë. Oficeri në fjalë, që ka preferuar të mbetet anonim, pretendon t’i ketë parë dosjet, që e vërtetojnë këtë incident, që kishte bërë jehonë të madhe.