Policia e qytetit Edmonton në Kanada, lejon hixhabin

Policet myslimane të qytetit Edmonton në krahinën perëndimore kanadeze Alberta, nga tash e tutje do të lejohen të bartin shaminë islame, pasi një uniformë e veçantë është dizajnuar për femrat që dëshirojnë të bartin atë.

“Kjo i bënë gratë myslimane pjesë përbërëse e komunitetit”, tha Soraja Zaki Hafez, udhëheqëse e Këshillit të grave myslimane në Edmonton.

“Shërbimi i Policisë së Edmontonit respekton gratë myslimane që vendosin të mbulohen”, thuhet në një komunikatë të lëshuar nga Shërbimi i Policisë së Edmontonit.

“Shërbimi i Policisë së Edmontonit do të vazhdojë të bëj ndryshimet e veta me ndryshimet e kohës, përderisa ka mjaft police, gjykatëse, dhe ushtare në krahinën perëndimore që tashmë kanë zgjedhur të bartin uniformat e tyre duke përfshirë edhe shaminë”.

“Pas një testimi rigoroz është vendosur se shamia e kokës nuk paraqet ndonjë rrezik për oficerët që e veshin atë, ose mungesë të efikasitetit, e as në kryerjen e detyrave policore ose intervenimeve publike”, thuhet ndër të tjera në komunikatë.

Muslimanët në Kanada përbëjnë 2.8% të popullsisë nga 32 milion sa ka gjithsej dhe feja islame është feja më e madhe jokrishtere në Amerikën Veriore./ferislam/