Krem tortë me ananas

NEVOJITEN:

350 gr ananas i konzervuar,
300 ml qumësht,
6 vezë,
150 gr margarinë,
6 lugë sheqer,
100 gr sheqer pluhur,
4 lugë miell,
2 lugë bajame të grira,
1 pako buding ananasi ose vanilje,
100 ml lëng ananasi,
200 ml shtalpë.

PËRGATITJA:

I thyejmë vezët dhe i ndajmë të bardhat nga të verdhat. I rrahim të bardhat me mikser, i shtojmë 6 lugë sheqer dhe pasi shkrihet sheqeri i shtojmë edhe të verdhat e vezës. E shtojmë miellin dhe bajamet e grira dhe i përziejmë me lugë derisa të bashkohet masa. Kallëpin e lyejmë me margarinë dhe e derdhim në të brumin për pandispanjë. Kallëpin e vëmë në furrë. E pjekim 15 minuta në temperaturë prej 200 gradë.
Ndërkohë e përgatisim kremin. Në tenxhere në zjarr e hedhim qumështin. Pluhurin për puding e zbusim me lëngun e ananasit. Duke përzier me tel, në tenxhere me qumësht e shtojmë pudingun e zbutur. E ziejmë derisa pudingu të fitojë dendësinë e duhur. Ananasin e presim në copë dhe e shtojmë në tenxheren me kremin e ftohur.
Margarinën dhe sheqerin pluhur i rrahim me mikser dhe i shtojmë në tenxhere. Përziejmë me tel derisa të bashkohet masa.
Shtalpin e rrahim me mikser derisa kremi pana të fitojë dendësinë e duhur. Disa lugë krem pana i shtojmë në tenxheren me krem.
Pandispanjën e presim në tri petë. E lyejmë petën e parë me krem. Sipër e vëmë petën e dytë dhe e lyejmë me krem. E vëmë petën e tretë dhe tërë tortën e lyejmë me krem pana. Kremin pana të mbetur e mbushim në shiringë të kuzhinës dhe me të zbukurojmë pjesët anësore dhe pjesën e sipërme të tortës. Ananasin e mbetur e presim në copë me të cilat e zbukurojmë krem tortën me ananas.

Ju bëftë mirë!

Si te Gatuajme Torte me Kos
Si te Gatuajme nje torte te thjeshte dhe shume te mire. Duhet pak fare kohe per te pergatitur dhe pake perberes.
Torte me kos



Koha e Pergatitjes: 20 min
Koha e Pjekjes: 30 min
Koha Totale: 50 min
Porcione: 5
Veshtiresia: E Lehte
Tipi i Recetes: Embelsire

Perberesit:

1 filxhan caji kos
3 gota me miell
2 gota sheqer
3 vezë
1 majë luge kripë
1 luge marmalate

Udhezimet:

Në një tas, perzjeni filxhanin e kosit me vezë, shtoni 2 gotat e sheqerit, miellin, vajin dhe kripën.
Hidh perzijerjen ne nje tave te rrumbullakte te veshur letër pergamenë dhe piqem në furrë me 180 gradë për rreth 30 minuta.
Hiqni torten me kos na furri dhe e lini te ftohet, pastaj me furçë e lyeni me recelin e shkrire me pak uje dhe e sperkatni me sheqer pluhur.