Sot e xhuma-festa e javës

Sot është dita e xhumasë-festa e javës,
Allahu na e pranoftë namazin e xhumasë
i faltë të gjithë të sëmurit
që s’mund ta falin.

Allahun xh,sh. ne e falënderojmë
që për çdo javë një festë na dhuroi
xhumanë në xhami me xhemat ta falim
këtë ditë me shumë kënaqësi.

Ta falim, të shkojmë në xhami sa më herët,
i ri e plak, por mos të harrojmë
që edhe fëmijët me vete t’i marrim
se dita e xhumasë është obligim i çdo muslimani
të riut dhe plakut,
kjo kurrë nuk bën të harrohet
pos ata që janë të sëmurë e nuk mund të falen
Allahu xh.sh. i shëroftë!

O Allah, ne vetëm Ty të adhurojmë
që pos dy festave të Bajramit
edhe festën e javës na e dhurove
të shkojmë në xhami, me xhemat të falemi.

Këtë ditë sa më mirë ta festojmë
dhe në hytbe, hoxhallarët t’i respektojmë
fjalët e tyre me vëmendje t’i dëgjojmë
Allahu xh.sh. të gjithë i shpërbleftë.

Se nga çdo hytbe ne përfitojmë
lusim Allahun xh. sh.,
që hoxhallarët t’i shumojë
se nga hoxhallarët ne shumë mësojmë,
Allahu me xhenetin Firdevs të gjithëve ju shpërbleftë.

Urime hixhabi !


Urime oj motër hixhabi
Shamia e bukur në kokë
Sa e bukur sot ti po dukesh
I lartësuar qofsh o Zot!

Në fytyrë po t' shkëlqen nuri
Sa bukur të rri shamia
Asgjë ty s'të përkuli
Gëzim t'madh ka shoqëria.

E lumja ti oj motër
Që këtë rrugë e zgjodhe
Atë që urdhëroi Zoti
Në vepër e jetësove.

Të jesh gjithmonë krenare
Për këtë gjest të mirë
E devotshme dhe fetare
Motër oj zemërdlirë.

Urime, urime oj motër
Të gjithë po të përgëzojmë
Dashuria ndaj Allahut
Përjetë le të shoqërojë.