Një libër për marrëdhëniet strategjike shqiptaro-turke 1990 - 2000.

Marrëdhëniet mes Shqipërisë dhe Turqisë në periudhën 1990 - 2000 vijnë të botuara në librin “Midis Ankarasë dhe Tiranës, 1990 - 2000”, nga publicisti Hajro Limaj.


Autori është ish-atashe ushtarak i Republikës së Shqipërisë në Republikën e Turqisë në vitet 1995 - 2000.

Ky është libri i parë që përshkruan me fakte marrëdhëniet strategjike midis Shqipërisë dhe Turqisë në mbrojtje të sovranitetit dhe integritetit të vendit tonë nga skenarët e Greqisë gjatë krizës shqiptare të viteve 1996-1997, provokacioneve të Serbisë në 1999-ën dhe luftës për çlirimin e Kosovës.

Për këtë periudhë 10-vjeçare libri pasqyron rolin e aktorëve politikë dhe ushtarakë të të dy vendeve dhe, mbështetur në fakte e zhvillime, në data e periudha, në qëndrime e deklarime u jep shtetarëve, politikanëve, ushtarakëve, politologëve, historianëve, diplomatëve civilë e ushtarakë, studentëve të shkencave politike e juridike, ekspertëve të marrëdhënieve ndërkombëtare, medieve, gazetarëve dhe analistëve një libër me informacione të pasura e të gjithanshme, shumica e të cilave të botuara për herë të parë.
/Start/