Parimet themelore në edukimin e fëmijëve

Periudha më ndikuese në formimin e fëmijëve është mosha 0-6 vjeçare. Është fjala për një periudhë kur fëmija nuk është njohur akoma me ndonjë rreth tjetër shoqëror përveç familjes. Si rezultat i kësaj, fëmijët në këtë periudhë “kopjojnë” çdo fjalë dhe veprim të prindërve, disa prej të cilave i përvetësojnë dhe i praktikojnë gjatë gjithë jetës. Kjo periudhë përbën bazën e edukimit të fëmijës me etikën e të udhqyerit, të fjeturit, me ndjenjën e respektit ndaj të mëdhenjve, me ndjenjën e mikpritjes, të mëshirës ndaj nevojtarëve dhe të dobtëve. Në këtë periudhë duhet patjetër ta njohim fëmijën me dashurinë dhe ta edukojmë me bindjen ndaj Allahut dhe të Dërguarit të Tij. Përcjellja dhe adaptimi i këtyre parimeve realizohet me anë të dashurisë, interesimit dhe besimit që kemi tek fëmijët. Dashuria Gjithë psikologët janë të një mendimi se dashuria e nënës për fëmijën ndikon shumë në formimin psikologjik dhe në botën fiziologjike të fëmijës. Fëmijët e rritur me përkëdhelje, fjalë të bukura dhe me dashurinë e prindërve zotërojnë një karakter të qetë, kanë besim në vetvete që janë në gjendje të përballojnë më sukses vështirësi nga më të ndryshmet. Profeti (s.a.v.s.) ishte shumë i ndjeshëm në këtë aspekt, përkëdhelte dhe përqafonte çdo fëmi. Tregon Xhabiri (r.a.): “ Fala namazin e drekës bashkë me Profetin (s.a.v.s.), pastaj u drejtuam për në shtëpi. Rrugës takuam disa fëmijë, ndërsa Profeti i mëshirës përkëdheli kokën e çdo fëmije, përkëdheli edhe kokën time. Ndjeva në dorën e tij një freski dhe një erë të mirë, aq sa m’u duk sikur dora e tij të kishte dalë nga një shishe misku (erë e mirë)”. (Tirmidhi) Interesimi Fëmijët me të cilët bashkëpunojnë dhe interesohen familjarët, kanë prirjen të jenë më aktivë se fëmijët e tjerë, shohin çdo çështje me pozivitet dhe në përgjithësi zotërojnë një karakter të fortë. Hz. Aliu (r.a.) ka thënë: “Luani me fëmijët deri në moshën 7 vjeçare, silluni si shokë me fëmijët deri në moshën 15 vjeçare, ndërsa pas kësaj moshe konsultohuni me ta duke marrë mendimin e tyre në çështje të ndryshme. Si rezultat, në të ardhmen këta fëmijë zotërojnë ndjenjën e përgjegjësisë në çdo hap të jetës së tyre.” Ibni Abbasi (r.a.) tregon: “Kisha hipur bashkë me Profetin (s.a.v.s.) në kafshën e tij. Vogëlush, më tha ai:- do të të mësoj disa fjalë, ki kujdes ndaj urdhërave dhe ndalesave të Allahut, në mënyrë që edhe Allahu të kujdeset për ty. Zbato me kujdes çdo këshillë të Allahut, që ta kesh afër Atë në çdo moment. Nëse kërkon diçka, kërkoje nga Allahu...” (Tirmidhi) Besimi Fillimisht, duke ua bërë me dije fëmijëve që ata janë një amanet i Allahut, duhet t’u shprehim në çdo çast dashurinë e madhe që kemi për ta, sepse bazë e ndjenjës së besimit janë dashuria dhe respekti. Vlerësimi, besimi dhe përkujdesja e vazhdueshme ndaj fëmijëve ndikon thellë në formimin e karakterit të tyre. Jahja bin Muadh (r.a.) ka thënë: “Çdo fjalë e thënë, çdo reagim, shton një tullë në “ndërtesën” e karakterit të fëmijës, ose heq një të tillë.”