Kim Mehmeti: Islami e ka shpetuar shqiptarine

Duke folur për Shkupin, gjatë promovimit të librit të tij ‘Shkupi’, shkrimtari Kim Mehmeti tha, midis tjerash, se islami e ka shpëtuar shqiptarinë.
Të shtunën, më 23 mars, në Bibliotekën Kombëtare të Prishtinës, u promovua libri ‘Shkupi’ me autor intelektualin dhe shkrimtarin shqiptar nga Maqedonia, Kim Mehmeti. Ky promovim u bë në bashkëorganizim të shtëpisë botuese ‘Logos-A’ dhe Lëvizjes Vetëvendosje.

Duke folur për deshqiptarizimin e Shkupit, Mehmeti theksoi se pas Luftës së Dyte Botërore, mbeti një periudhë 40-vjeçare, ku u punua vazhdimisht në deshqiptarizimin e Shkupit.

“Atë kohë, arritën ta zbrazin Shkupin afro 60%, duke dëbuar shqiptarët në Turqi. Nga Maqedonia u mbushnin trenat me shqiptarë që i çonin në Turqi. Për këtë, arsye vinin shumë nga Kosova në Shkup, sepse ishte rruga më e lehtë për të ikur për Turqi”, tha Mehmeti.

Ai theksoi se politikanët shqiptarë në Maqedoni, do të mund ta ndalnin deshqiptarizimin tani, nëse do të dilnin nga Qeveria, porse shtoi se një gjë e tillë nuk pritet nga ta.

Lidhur me terrorizmin urban të ushtruar nga Qeveria e Maqedonisë, Mehmeti tha se antishqiptaria në Maqedoni është institucionale.

“Në sistemin e Millosheviçit, kur një serb donte ta rrihte një shqiptar, vishte uniformën e policit, duke u mbuluar pra me uniformën e institucioneve. Tani në Maqedoni del të rrah civili, por atë e mbron institucioni. Kjo në Maqedoni nxitet institucionalisht”, tha ai.

Ndërkaq, duke folur për atë se si kanë arritur shqiptarët ta ruajnë identitetin, Mehmeti tha se kjo është arritur përmes islamit.
“Absolutisht, matematikisht, mund të dëshmohet, edhe nëpërmjet asaj që e thash ma parë, se islamizmi e ka shpëtuar shqiptarinë në disa vise shqiptare, absolutisht! Unë ua dëshmoj me këtë: ortodoksët shqiptarë nuk i keni, katolikët shqiptarë nuk i keni në Shkup. I keni vetëm shqiptarët myslimanë”, tha Mehmeti.

Në fund të këtij promovimi, të pranishmit në sallë vazhduan diskutimin duke shtruar edhe pyetje të ndryshme drejt autorit Kim Mehmeti.
/radioislame.com/

Motra Ime Fisnike !


Motra ime, vajza e nënës fisnike,
ruaje nderin, e bëhu besnike.

Mbroje moralin si vajzë fetare,
se femra pa to nuk vlen fare.

Ajo është caktuar për burrin e vet,
duhet të mbrohet si letër sekret.

Në qoftë se do të jetosh rehat e qetë,
asnjëherë natën mos shko diku vetë.

Fatkeqësisht të tjerët ua kanë empozuar,
ke marrë pa zgjedhur dhe i ke huazuar.

Veshu e mbathu si vajzë besimtare,
dhe nëpër rrugë bëhu këshilltare.

Gjendja shprehjet i argumenton,
se vetëm fjala kudo nuk ndikon.

Kujtoje mirë punën që po bën,
duhet ta mendosh se ku ajo të çon.

Duhet të adhurosh Krijuesin tënd,
se nuk je e krijuar nga tjetërkënd.

O motra ime bëhu shembullore,
mos u përul si disa shërbëtore.

Femrat All-llahu nuk i ka burgosur,
por me mbulesën e tyre i ka përsosur.

Ai shumë më mirë i di nevojat e saj,
vajza të mos mbesë asnjëherë ndër faj.

Mosmbulesa e femrave për kohën e tashme,
është një armë e mirë forcave të jashtme.

Ata ta hoqën formën që ke pasur,
ke marrë pa zgjedhur atë që ke hasur.

Nën maskën e kulturës femrën e abuzojnë,
me femrat tona ne fort po na lëndojnë.

Për stërgjyshërit tuaj lexo historinë,
çfarë ka qenë namusi për shqiptarinë.
Duke patur shansin ta fitosh xhennetin,
mos të të bëjnë tradhtarët dru për xhehennemin.

Mëshira e Allahut të dhuroi çdo gjë,
sepse ti përpara nuk ke qenë asgjë.

Motra fisnike ke shans sa je gjallë,
të ikën nga dora kur të mblojnë me zallë.

O vajza besimtare dhe nëna fisnike,
mbroje fenë tënde dhe bëhu besnike