Vendimi islamik lidhur me Ditën e Valentinit

Çdo vit, me datën 14 shkurt, disa njerëz e festojnë ditën e të
dashuruarve (Ditën e Valentinit) duke shkëmbyer trëndafila të kuq si
dhuratë. Ata, gjithashtu, vishen me tesha të kuqe dhe i urojnë njëritjetrit. Disa dyqane ëmbëlsirash prodhojnë ëmbëlsira të veçanta – me
ngjyrë të kuqe – dhe vizatojnë zemra në to. Disa dyqane tjera i
reklamojnë artikujt e tyre që kanë të bëjnë me këtë ditë.
Cili është qëndrimi juaj lidhur me këto në vijim:
1. Festimi i kësaj dite
2. Blerja nga këto dyqane në këtë ditë
3. Shitja - nga ana e pronarëve të dyqaneve që nuk festojnë – e
gjërave që u jepen si dhurata atyre që festojnë
Allahu ﺗﻌﺎﻟﻰ و ﺳﺒﺤﺎﻧﮫ ju shpërbleftë me të mira.
Përgjigja:
Mbasi komisioni ligjor shqyrtoi këtë çështje, përgjigja është që provat e
qarta nga Kurani dhe nga Suneti – dhe për këtë ka konsensus të
gjeneratave të mëhershme – tregojnë që në Islam ka vetëm dy festa:
Bajrami i Fitrit (mbas agjërimit të ramazanit) dhe Bajrami i Kurbanit
(mbas qëndrimit në Arafat, në pelegrinazhin e Haxhit)
Çdo festë tjetër - qoftë ajo e lidhur me një person, grup a ngjarje – është
festë e shpikur. Muslimanëve nuk u lejohet të marrin pjesë në të, ta
miratojnë atë, të shfaqin gëzim me rastin e saj, apo ta ndihmojnë atë në
ndonjë mënyrë, meqë kjo do të ishte shkelje e kufijve të Allahut و ﺳﺒﺤﺎﻧﮫ
ﺗﻌﺎﻟﻰ ... “Dhe kush i shkel kufijtë e Allahut, i bën dëm vetvetes.” (etTalãk, 1)
Nëse kësaj i shtojmë faktin që kjo është një nga festat e
mosbesimtarëve, kjo do të ishte gjynah mbi gjynah. Kjo sepse është
imitim i mosbesimtarëve dhe një lloj i besnikërisë (Muwãlãt) ndaj tyre.
Allahu ﺗﻌﺎﻟﻰ و ﺳﺒﺤﺎﻧﮫ në Librin e Tij fisnik i ka ndaluar besimtarët nga
imitimi i tyre dhe nga pasja e dashurisë apo besnikërisë ndaj tyre. Po
ashtu, është konfirmuar nga pejgamberiﷺqë tha: “Kush imiton një
popull, llogaritet si pjesëtar i atij populli.” (Sahih Sunen Ebu Dawud)Dita e Valentinit hyn në kategorinë e kësaj që u përmend këtu, pasi
është një nga festat pagano-krishtere. Prej këtu, asnjë musliman që
beson Allahun dhe Ditën e fundit nuk e ka të lejueshme të marrë pjesë,
ta miratojë, apo ta urojë (dikë me atë rast). Përkundrazi, është obligim
që ta braktisë atë dhe të rrijë larg tërë kësaj, në përgjigje ndaj Allahut
dhe të Dërguarit të Tijﷺ; të largohet nga hidhërimi i Allahut و ﺳﺒﺤﺎﻧﮫ
ﺗﻌﺎﻟﻰ dhe ndëshkimi i Tij.
Veç kësaj, muslimani e ka të ndaluar të ndihmojë në këtë festë apo
ndonjë festë tjetër të ndaluar në çfarëdo forme, qoftë me anë të
ushqimit, pijes, shitblerjes, prodhimit, dhënies së dhuratave,
lajmërimeve, etj. Të gjitha këto gjëra konsiderohen si bashkëpunim në
gjynah, në shkelje e mosbindje ndaj Allahut dhe të Dërguarit të Tijﷺ.
Allahu thotë: “... dhe bashkëpunoni me njëri-tjetrin në drejtësi e në
devotshmëri, jo në gjynah e shkelje. Dhe kini frikë Allahun. Vërtet,
Allahu ndëshkon ashpër.” (el-Ma’ideh, 2)
Po ashtu, është obligim për çdo musliman që t’u përmbahet Kuranit
dhe Sunetit në çdo situatë, sidomos në kohët e joshjeve dhe të
prishjeve. Është e detyrueshme që ai/ajo të kuptojë, të jetë i
vetëdijshëm, dhe të ketë kujdes të mos bjerë në devijimet e atyre mbi të
cilët ka rënë hidhërimi i Allahut ﺗﻌﺎﻟﻰ و ﺳﺒﺤﺎﻧﮫ dhe atyre që humbën
rrugën, si dhe njerëzve të pamoralshëm, që nuk i frikësohen
ndëshkimit, nuk shpresojnë shpërblim nga Allahu, dhe nuk i kushtojnë
aspak vëmendje Islamit.
Është e domosdoshme që muslimani të ikën tek Allahu duke kërkuar
udhëzimin e Tij dhe qëndrimin në rrugën e Tij. Vërtet, s’ka udhëzues,
përveç Allahut, dhe asnjë që mund të të bëjë të qëndrueshëm, përveç
Tij.
Suksesi vjen nga Allahu ﺗﻌﺎﻟﻰ و ﺳﺒﺤﺎﻧﮫ. Allahu e lavdëroftë – në tubimet e
engjëjve – pejgamberin tonë Muhamedﷺdhe i dhëntë selamet nga të
gjitha të këqijat e dëmet, si edhe familjes dhe shokëve të ti