SIRI – SNHR: 147 PERSONA HUMBIN JETËN NGA BOMBARDIMET

nga **Albani** Fri Jan 04, 2013 3:20 pm

Observatori Sirian i të Drejtave të Njeriut (SNHR) deklaroi se si pasojë e bombardimit të lagjeve Duma, Daeja, Kadem, Tadamun, Haxher es-Ved dhe Guta Perëndimore të Damaskut nga avionë luftarakë të njësive luftarake të varura nga regjimi kanë vdekur 59 vetë.

Sipas deklaratës së Observatorit Sirian (SNHR) si pasojë e shpërthimit të një autobombe afër një pike karburanti në lagjen Berze të Damaskut kanë humbur jetën dhe janë plagosur shumë persona të tjerë. Në sulmet e ndryshme që janë kryer në Idlib kanë vdekur 23 persona, në Halep 19, në Dera 13, në Humus 12, në Dejru-z Zor 10, në Hama 7, në Rakka 4, duke e çuar në 147 numrin total të personave që kanë humbur jetën gjatë 24 orëve të fundit në ngjarjet e dhunës që kanë ndodhur në mbarë vendin.

Ndërkaq Mexhit Salah, një prej komandantëve të Ushtrisë për Sirinë e Lirë, në një prononcim për agjencinë e lajmeve “Anadolli” (AA) tha se Ushtria për Sirinë e Lirë ka rrethuar aeroportet ushtarake Menig dhe Taftanaz si dhe aeroportin ndërkombëtar në Halep. Një pjesë e madhe e aeroportit ushtarak të Teftanazit ka kaluar në kontrollin e opozitarëve, shtoi ai.

Salah tha se njësitë luftarake të Ushtrisë për Sirinë e Lirë kanë marrë puset e naftës Safijha në Rakka dhe mes opozitarëve dhe reparteve të ushtrisë së regjimit ka pasur përleshje të ashpra. Zona më pas është bombarduar edhe nga avionët luftarakë të regjimit, nënvizoi Salah.

Nga ana tjetër Këshilli i Përgjithshëm i Revolucionit Sirian njoftoi se forcat e regjimit në shkallë vendi kanë sulmuar 123 pika të ndryshme dhe avionët luftarakë në 4 objekte kanë lëshuar bomba thërrmuese, ose në 3 objekte të tjera kanë lëshuar nga ajri fuçi të mbushura me bomba thërrmuese.

Këshilli thotë se regjimi ka goditur me raketa “scud” nënprefekturat Azez dhe Ming të Halepit dhe rrethinat e Idlibit.

Ndërkaq agjencia zyrtare siriane e lajmeve SANA bëri të ditur se në operacionet që kanë organizuar në shkallë vendi kanë asgjësuar me dhjetëra grupeve të armatosura dhe kanë kapur një numër të madh “terroristësh”.