ERDOAN - TURQIA I KA TË GJITHA MUNDËSITË PËR LUFTË

Kryeministri Rexhep Tajip Erdoan, përsëriti se nuk është e mundur në asnjë mënyrë që Turqia të qëndrojë indiferente ndaj ngjarjeve në Siri.

Kryeministri Erdoan ka thënë se Turqia është kundër luftës dhe se ata përpiqen për paqen si dhe ka shtuar se janë gjithmonë të gatshëm për luftuar me të gjitha mundësitë në çdo moment. “Nuk do të ngurrojmë kurrë për të mbrojtur tokat tona kur të jetë e nevojshme. Por deri në fund do të luftojmë për paqen dhe ashtu siç jemi duke bërë edhe tani ne do të vazhdojmë të përpiqemi për sigurimin e saj”. Kryeministri Erdoan dha një darkë për nder të Ambasadorëve që morën pjesë në Konferencën e 5-të Të Ambasadorëve të Turqisë. Këtu, ai tërhoqi vëmendjen se Turqia në 10 vitet e fundit, në politikën e jashtme e ka ndryshuar mentalitetin e mësimit përmendësh dhe shtoi: “Çdo vend duhet të dijë se ne jemi një vend i spikatur. Çdo vend në botë duhet të dijë se ne jemi një vend me kërkesa dhe objektiva. Ata duhet të dinë se pas objektivave tona qëndron vullneti kombëtar dhe duhet të kuptojnë qartë se Turqia qëndron si një shtet i fuqishëm. Fuqia që ne zotërojmë nuk është aspak e pa kontrolluar dhe e pa ekuilibruar. Fuqia jonë nuk është kalimtare si zjarri i kashtës. Sepse ne fuqinë tonë e marrim nga historia dhe akumulimi i civilizimit. Krahas kësaj, fuqinë tonë ne e marrim nga ekonomia në rritje dhe politika e brendshme reformiste dhe demokratike.”. “Ne nuk jemi nga ata që shikojnë nga tribuna, por jemi aktorë që zënë vend brenda problemeve, aktorë që i udhëheqin dhe i japin atyre drejtim”, tha Kryeministri Erdoan dhe shtoi se nuk është e mundur në asnjë mënyrë që Turqia të qëndrojë indiferente dhe të mos reagojë ndaj ngjarjeve në Siri. “Po të kishim qëndruar indiferent në lidhje me Sirinë, mbase mund të shpëtonim për momentin, por ne nuk duam t’i lëmë gjeneratave të ardhshme kujtime të dhimbshme. “Nuk duam që pas 50 vjetësh, të rinjtë sirianë të thonë ‘Turqia nuk ishte pranë nesh në momente të vështira’”, tha kryeministri Erdoan. Ai theksoi se Turqia nuk është për luftë dhe kërkon paqe, dhe vuri në dukje se ajo ka paguar dhe do të vazhdojë të paguajë atë që nevojitet për të arritur paqen. Edhe Ministri i Jashtëm i Turqisë, Ahmet Davutollu, bëri të ditur se në vitet e fundit, Turqia në fushën e politikës së jashtme ka përjetuar një “ndryshim në mentalitet” dhe kjo është arritur vetëm me një vullnet të fuqishëm politik.

/trt/