Hoteli më i lartë në botë, 601 metra

nga **Era** Thu Jan 03, 2013 3:01 pm

Turizmi dhe hoteleria nuk pushojnë në synimin e tyre për të tërhequr turistët me atraksionet e tyre. Dhe, lartësia e hoteleve ashtu si dhe arkitektura impozante është gjithmonë një karrem për të tërhequr turistët. Më ambiciozë në këtë drejtim tregohen hotelierët nga lindja dhe sidomos nga vendet arabe. Kështu, në një ranglistë prej 10 hoteleve më të larta në botë, që e ka përpiluar ndërmarrja ab in der urlaub, katër janë vetëm në Dubai dhe një, më i larti, në Arabinë Saudite.Hoteli “Royal Clock Tower” në Mekë të Arabisë Saudite, me 601 metra lartësi tejkalon për 117 metra hotelin e dytë në këtë listë, atë “The Ritze Carlton” të Hong Kongut, që është 481 metra i lartë. Menjëherë pas tyre vjen hoteli “Rose Tower” në Dubai, me 333 metra, ndërsa vendin e katërt, të pestë dhe të gjashtë i zënë po ashtu hotelet e Dubait “Burj al Arab” (321 metra), “Jumeirah Emirates Hotel Tower (309) dhe “The Adress Downtovn Dubai”, transmeton Albinfo.

Kur jemi te turizmi, ai, sipas statistikave të Organizatës botërore të turizmit, ai sikur nuk e ka ndjerë fare krizën e viteve të fundit. Kështu, gjatë vitit të kaluar fitimet nga turizmi kanë përjetuar një bum të madh, gjegjësisht për qëllime turistike në gjithë botën janë dhënë jo më pak se 1 030 miliardë dollarë.

Rritja bie në sy kur shihet se në vitin 2006 ishin gjithsej 623 miliardë dollarë të ardhura nga turizmi.

Më së shumti qarkullim nga turizmi gjeneron Evropa, e ndjekur nga regjioni Azi-Pacifik dhe Amerika.