HELSINKI - DAVUTOLLU I JEP PËRGJIGJE SHUPLAKË AMBASADORIT GREKOQIPRIOT

Ministri i Punëve të Jashtme të Turqi, Ahmet Davutollu dha në selinë e Klubit Paasikivi në Helsinki një konferencë me temë “Roli i Turqisë në Sigurimin e Paqes në Botë në Kuadër të Zhvillimeve të Sotme dhe Reflektimet e Kësaj në Evropë”.
Ministri i Punëve të Jashtme të Turqi, Ahmet Davutollu dha një konferencë me temë “Roli i Turqisë në Sigurimin e Paqes në Botë në Kuadër të Zhvillimeve të Sotme dhe Reflektimet e Kësaj në Evropë” në selinë e Klubit Paasikivi, një nga institucionet studimore më të njohura të Finlandës, ku ka shkuar për një vizitë zyrtare.

Pas përfundimit të fjalimit Davutollu iu përgjigj pyetjeve të pjesëmarrësve.

Ndërkohë e mori fjalën Ambasadori i Qipros së Jugut në Helsinki, Filippos Kritiotis dhe pasi lexoi paragrafin e Progresraportit të përgatitur nga Bashkimi Evropian për Turqinë dhe ku kjo e fundit kritikohet në lidhje me Qipron dhe pretendoi se Turqia nuk ka përmbushur zotimet e saj bëri pyetjen se do ta vazhdojë apo jo Turqia këtë qëndrim të saj edhe në të ardhmen.

-Qiproja greke pengon anëtarësinë e Turqisë në Bashkimin Evropian. Ata mendojnë se kështu Turqia do të dobësohet dhe do të përgjërohet për të hyrë në BE. Gjykoj se tani mund të krahasoni performancën tonë me performancën e grekoqipriotëve apo të vendeve të tjera. Ne nuk do të përgjërohemi asnjëherë. Në qoftë se do të bëhet një integrim, ai duhet të jetë i drejtë”, u shpreh shefi i diplomacisë turke.

Paragrafi që lexoi ambasadori grekoqipriot ka 8 vjet që përsëritet nga ana e Bashkimit Evropian, u shpreh Davutollu dhe vijoi: “Në qoftë se pala grekoqipriote do të kishte thënë “Po” referendumit të mbajtur në vitin 2004 në ishull, nuk do të kishim lidhje me të gjitha këto tema që parashtrohen sot këtu në këtë sallë”.

“Do të kishim një Qipro të bashkuar, të anëtarësuar me të drejta të plota në Bashkimin Evropian dhe që do të kishte marrëdhënie të fqinjësisë së mirë me ne. Në ishull nuk do të kishte më ushtarë turq. Ndërmjet Turqisë dhe Qipros do të ishte realizuar një integrim i plotë ekonomik dhe grekoqipriotët do të përfitonin më shumë se të gjithë të tjerët nga kjo. Kurse ju sot nuk do të kishit një ekonomi të kapitulluar, sepse do të përdornit potencialin e jashtëzakonshëm të Turqisë. Ju thatë “JO”, ju ishit ata që e bëtë këtë përzgjedhje, jo ne”, tha ministri i jashtëm turk, Davutollu në përgjigje të pyetjes së ambasadorit grekoqipriot në Helsinki.