Kosovë, Pacolli zgjidhet President në raundin e 3 të votimit

PRISHTINE- Bexhet Pacolli merr votat e duhura për tu zgjedhur President i Kosovës. Me 62 vota për, 4 kundër dhe një votë të pavlefshme, Kuvendi i Kosovës ka votuar Behxhet Pacollin, kryetarin e deritashëm të Aleancës Kosova e Re, për postin e presidentit të Kosovës.

Pacolli betohet në Kuvend.

DESHTON RAUNDI I DYTE
Nuk kanë qënë të mjaftueshme edhe 58 votat pro që kandidati për President i Kosovës, Behxhet Pacolli, mori në raundin e dytë të votimit. Edhe në këtë raund kanë votuar 67 deputetë, prej të cilëve 58 pro e 7 kundër, ndërsa dy fletë votimi përsëri ishin të pavlefshme. Beteja e Pacollit në raundin e tretë bëhet më e vështirë pasi i nevojiten 61 vota.

DESHTON RAUNDI I PARE
Dështon raundi i parë i votimit për zgjedhjen e Pacollit në krye të shtetit të Kosovës. Në këtë votim ku morën pjesë rreth 67 deputetë, votuan pro 54 ndërsa kundër 11. Ndërkohë që dy vota janë shpallur të pavlefshme, duke qënë kështu të pamjaftueshme pë zgjedhjen e tij.

Ndërkohë deputetët kanë filluar të votojnë për raundin e dytë. Nëse nuk votohet edhe në raundin e dytë me dy të tretat e votave, atëherë në raundin e tretë do të nevojitet 61 votë. Opozita braktisi seancën parlamentare.

PACOLLI KANDIDATI I VETEM
Në mbledhjen e jashtëzakonshme të Kuvendit të Kosovës është nominuar Behxhet Pacolli kandidat për president. Në emër të AKR-së, nominimin e bëri deputeti i kësaj partie Ibrahim Makolli.
Ndërkohë është mbledhur Komisioni i përkohshëm për verifikimin e mandateve dhe imuniteteve që të vërtetojnë të dhënat për kandidatin për president.

Pas pauzës prej 10 minutave do të dal me vlerësim komisionit dhe më pas do të votohet kandidati i vetëm për president. Në parlament mbetën vetëm 67 deputetë pas refuzimit të LDK, Vetvendosje dhe AAK për të votuar Pacollin. Sipas Vetëvendosjes, Pacolli ka qenë në shërbim të Hashim Thaçit dhe i qëllimeve të tija politike edhe kur ka qenë në opozitë.

Ardian Gjini në emër të AAK tha se nuk do të merr pjesë as në votimin e presidentit, e as në votimin e qeverisë. “AAK nuk do të jenë dëshmitare e një marrëveshje të tillë dhe një qeveri të tillë”, tha Gjini.
SLS dhe Grupi 6 Plus kanë bërë të ditur se do ta votojnë Pacollin për president.
Paraprakisht Komisioni i përkohshëm parlamentar për verifikimin e mandateve dhe imuniteteve konstatoi se kandidati Behgjet Pacolli i plotëson kushtet për të qetë president, në bazë të Kushtetutës dhe Ligjit për president.

KUVENDI VOTON SOT PRESIDENTIN DHE QEVERINE E RE
Kuvendi i Kosovës i dalë nga zgjedhjet e 12 dhjetorit, u mblodh sot pasdite në një seancë të jashtëzakonshme për të votuar presidentin dhe qeverinë e re "Thaci 2".

Vendimi është marrë sot paradite nga kryesia e Kuvendit, ndërsa seanca parlamentare nisi në orën 15.00.
Kryeparlamentari Jakup Krasniqi tha se një vendim i tillë, u mor pas kërkesës së PDK-së për një seancë të jashtëzakonshme të Kuvendit. Ndërkohë, Krasniqi, nuk ka folur nëse ai do të votojë për Behgjet Pacollin si president, bëjnë të ditur sot mediat kosovare.
I pyetur nëse Pacolli plotëson kriteret për të qenë president, pasi është shtetas zviceran, Krasniqi tha se një gjë të tillë do të verifikojë komisioni për mandate dhe imunitete i Kuvendit të Kosovës dhe ai do të dal me një qëndrim.
VOTIMI PER PRESIDENT
PDK-ja duket se do ta ketë të vështirë marrjen e 61 votave për postin e presidentit, kur në këtë post kandidon Behxhet Pacolli i AKR-së. Ndërkohë mësohet AAK-ja dhe partitë e tjera opozitare, që krijuan koalicionin e tyre të dielën, pritet që propozojnë sot përballë Pacollit, Adem Demaçin. Emri i presidentit të AKR-së për postin e presidentit është pjesë e marrëveshjes politike me PDK-në, por ndërkohë deputetë të kësaj partie e kanë bërë të qartë se nuk do ta votojnë emrin e Pacollit, pasi donin që në presidencë të ishte Jakup Krasniqi.

Vetë Pacolli pas dhënies së betimit si deputet i legjislaturës së katërt i është përgjigjur dje gazetarëve se “nuk e di” nëse i ka votat e mjaftueshme për të qenë President
Që nga dita e parë e Kuvendit Opozita, LDK dhe AAK, e cilëson këtë koalicion PDK- AKR, ende të pazyrtarizuar si Qeveri në Kuvend, si koalicion të pakicës.

Përbërja e re e Kuvendit të Kosovës mbajti dje seancën e parë konstituive ku Jakup Krasiqi u rizgjodh kryetar Kuvendit ndërsa pesë nënkryetarët janë, Xhavit Halitin e PDK-së, Sabri Hamitin e LDK-së, Glauk Konjufcën nga Vetëvendosje, si dhe Petar Miletiqin nga pakica serbe dhe Enis Kermanin nga komunitetet jo serbe.
(s.g/m.a/BalkanWeb)