A është mbulesa e papërshtatshme për jetën moderne?

1. Çdo komb ka specifikat e veta të veçanta, traditat që shihen në ushqim, pije, veshje, banim etj. e të gjitha këto prezantojnë kulturën, civilizimin edhe fenë e një kombi. Allahu xh.sh. krijoi njerëzit të ndryshëm nga njëri – tjetri në shumë çështje, e ky dallim do të jetë deri në fund të kësaj bote. Ajo çfarë është e mirë për një popull, mund që të mos jetë e mirë për një tjetër. Shembull, gruaja indiane ka veshje të veçantë dhe ajo nuk kritikohet për veshjen e vet, as në vendet perëndimore, përkundër asaj se veshja mund të jetë jopraktike, megjithëkëtë, ajo veshje mbahet nga gruaja e rëndomtë në Indi ashtu siç mbahej edhe nga kryeministrja e Indisë Indira Gandi, pa thënë kush se veshja në fjalë e pengonte në punë dhe produktivitet.

2. Shumica e grave evropiane deri në fillim shekullit XX, mbulonin flokët e tyre dhe vishnin rrobe të gjata dhe askush nuk i kritikonte. Mirëpo me fillimin e ndërhyrjes në veshje, ato u zhvilluan saqë arritën në atë që jemi tani e që nuk merret parasysh asnjë normë apo kriter. Kjo ndoshta do të ndryshojë pas një kohe, në varësi nga ajo se si vendosin shtëpitë e modës.

3. Islami nga gruaja muslimane nuk kërkon ndonjë stil të posaçëm të veshjes. Islami kërkon që veshja e saj të jetë e rehatshme, komode, pra që ta mbrojë nga provokimet dhe, nuk është e vërtetë se veshja islame e pengon gruan nga puna dhe produktiviteti. Në të gjiha institucionet shtetërore gjejmë shumë gra të moshave të ndryshme të cilat ushtrojnë punën e vet krejt rëndomtë, sikurse koleget e tyre që janë pa mbulesë. Andaj kjo akuzë qëndron mbi baza jo logjike dhe askush nuk ka bërë ndonjë studim shkencor që konfiromon atë pohim. Tërë problemi në lidhje me këtë çështje ka të bëjë me atë se perëndimorët dëshirojnë që vlerat, tradita, adetet e tyre të jen të pranishme në të gjitha vendet, e kjo është kundër natyrës së gjërave, ngase çdo popull ka specifikat e veta dhe ka identitetin e vet. Nga të drejtat e gruas muslimane është që ajo ta ketë personalitetin e saj dhe vetitë e saja specifike në veshje, sjellje, ashtu sikur gruaja indiane dhe evropiane që e kanë këtë të drejtë.

4. Ka nga gratë muslimane sot që mbajnë pozitat më të larta dhe që punen e tyre e kryejnë me sukses, edhe pse janë të mbuluara. Benazir Buto e cila ishte në kreun e një ndër shtetet më të mëdha muslimane, mbante një veshje të afërt me atë islamen, por punën e vetë e kryente në mënyrë të suksesshme, nuk ishte e penguar nga veshja për të realizuar detyrat e saja. Ngjashëm ishte puna edhe me veshjen e kryeministres së Bangladeshit.


Prof. Dr. Mahmud Hamdi Zakzuk