DAVUTOLLU TAKOHET ME PJESËMARRËS TË KONFERENCËS SË LIDERËVE FETAR

nga **Muslimanja** Sun Sep 09, 2012 5:21 pm

Ministri i Jashtëm i Turqisë, Ahmet Davutollu, në Stamboll kaloi një ditë me fluks të rëndë.

Davutollu priti delegacionet e vendeve të ndryshme që erdhën në Turqi për të marrë pjesë në konferencën e liderëve fetarë.

Ministri turk Ahmet Davutollu u takua me përfaqësuesit sirianë që morën pjesë në konferencën "Zgjimi Arab dhe Paqja në Lindje të Mesme: Perspektivat Myslimane dhe Kristiane", që zhvilloi punimet në Stamboll.

Në pritje, ministri Davutollu shpjegoi në mënyrë të detajuar politikën e Turqisë në lidhje me Sirinë.

Kurse të ftuarit, u shprehën në lidhje me shkelet e të drejtave njerëzore që përjetohen në Siri dhe thanë se mbështesin politikën e Turqisë për Sirinë.

Davutollu u takua edhe me disa personalitete fetare suni dhe shiite të Libanit dhe përfaqësuesit e disa grupeve politike.

Në takim u shqyrtua gjendja në të cilën gjendet Lindja e Mesme dhe zhvillimet e brendshme në Liban.

Ndërkaq, shefi i diplomacisë së Turqisë, u takua edhe me Kryetaren e Kuvendit të Turkmenisë, Akça Nurberdiyava. Në këtë takim u bisedua për rritjen e marrëdhënieve ndërmjet dy vendeve.