SIRI – RËNDOHET BILANCI I PËRLESHJEVE NË SIRI

nga iDa Fri Jul 20, 2012 6:56 pm

Vazhdon të rëndohet bilanci i sulmeve të forcave të Esedit dhe përleshjeve në Siri.

Komisariati i Lartë i OKB-së për Refugjatët deklaroi se për shkak të përleshjeve të javës së kaluar më shumë se 1 milionë njerëz janë detyruar të imigrojnë brenda vendit.

Mësohet se në kryeqytetin e vendit, Damask, vazhdojnë përleshjet e ashpra.

Njoftohet se forcat e Esedit kanë marrë kontrollin në lagjen Midan, kurse në lagjen Sajda Zejnep 3 persona kanë humbur jetën si pasojë e zjarrit që kanë hapur helikopterët e ushtrisë.

Gjithashtu në lajmet që vijnë thuhet se ka vdekur shefi i shërbimit sekreti, Hisham Bahtijar, i cili u plagos në sulmin kamikaz në Damask.

Ushtria Siria e Lirë deklaroi se përgatitjet për sulmin kundër ndërtesës së Këshillit Kombëtar të Sigurisë, sulm të cilin e kishte marrë përsipër, kishin zgjatur 3 javë.

Sipas deklaratës pretendohet se bombat e përdorura në këtë sulm ishin vendosur 3 javë me parë dhe në 3 vende të ndryshme në çatinë e ndërtesës 3-katëshe.

Ndërkaq Rusia e ka cilësuar si jo-reale projektrezolutën e përgatitur nga vendet perëndimore dhe ndaj të cilës përdori veton në Këshillin e Sigurimit të OKB-së.

Zëdhënësi i Ministrisë së Punëve të Jashtme, Aleksandr Lukasheviç, u bëri apel vendeve perëndimore që të ushtrojnë presion mbi opozitarët për të ndaluar përleshjet me armë në Siri.

Nga ana tjetër pretendohet se ambasadori i Rusisë në Paris, Aleksandr Orlov, ka thënë se Esedi ka pranuar të lërë pushtetin në qoftë se do të gjendej një rrugë e arsyeshme për largimin e tij.

Sipas Orlovit në marrëveshjen e arritur në Gjenevë është përcaktuar edhe emri që do të drejtojë procesin e tranzicionit pas largimit të Esedit nga pushteti në Siri.

Por zëdhënësi i Ministrisë së Punëve të Jashtme të Rusisë i hodhi poshtë këto deklarata të Ambasadorit të Parisit.

Lajmet kinse Esedi është gati të largohet vetë nga pushteti janë hedhur poshtë edhe nga Ministri i Shërbimit Informativ të Sirisë.