RUSIA DËRGON LUFTANIJE DREJT PORTIT TARTUS TË SIRISË

nga **emine** Tue Jul 10, 2012 5:57 pm

Bëhet e ditur se luftanijet ruse janë nisur drejt portit Tartus të Sirisë.

Ndërkaq vazhdon gjakderdhja në Siri. Në sulmet e fundit të ushtrisë në Siri kanë humbur jetën 94 persona.

Agjencia ruse e lajmeve, Interfaks, njoftoi se tre luftanije ruse të kryesuara nga luftanija “Admiral Çabanenko” e pajisur me raketa anti nëndetëse, janë nisur nga porti rus Severomorsk në drejtim të Tartusit të Sirisë.

Një numër i madh i zonave të qytetit Humus, i cili për një kohë të gjatë ishte në objektiv të operacioneve intensive, gjenden nën zjarrin intensiv të armëve të rënda.

Numri i të vdekurve në sulmet e organizuara me armë të rënda me përkrahje edhe nga ajri doli në 17 mijë e 129 persona.

Ndërkaq vazhdojnë edhe përpjekjet për vendosjen e një armëpushimi.

Rusia deklaroi se është e gatshme për një mbledhje të re me vendet perëndimore.

Përfaqësuesi i Posaçëm i Kombeve të Bashkuara dhe Lidhjes Arabe për Sirinë, Kofi Annan në deklaratën e tij të bërë në Teheran, ku kaloi pas vizitës në Siri, tha se Beshar Asad bëri një propozim me anë të cilit parashikohet dhënie fund dhunës duke filluar nga zonat ku jetohen përleshjet e ashpra.

Pas kontakteve të tij në Teheran, Kofi Annan udhëtoi për në Bagdad ku pritet të takohet me Kryeministrin e Irakut, Nuri el-Maliki.