REHN FLET ME LËVDATA PËR EKONOMINË TURKE

Anëtari i Komisionit Evropian Përgjegjës për Çështjet Ekonomike dhe Financiare, Oli Ren (Olli Rehn) tha se “Turqia po mbledh sot frutat e reformave që ka zbatuar pas krizës së vitit 2001”, duke shtuar ''Raporti i mjaftueshmërisë së kapitalit të bankave në Turqi është në një gjendje më të mirë se i shumë bankave të vendeve të Bashkimit Evropian”.

Sipas lajmit të Agjencisë Anadollu të lajmeve Ren foli me lëvdata për zhvillimin që ka shënuar ekonomia turke. “Tregjet po ndjekin me vëmendje rritjen e shpejtë të Turqisë, menaxhimin ekonomik dhe financiare me rezerva që ndiqet nga Ankara”, bëri komentin komisionari Ren.

Oli Rehn tha se Turqia ka një përvojë të madhe në menaxhimin e krizës. “Sot shumë specialistë vlerësojnë lartë kurajën që qëndron pas thellësisë së reformave që ka zbatuar Turqia”, shtoi ai.

Asocimi i Turqisë në Bashkimin Evropian do të ishte mjaft pozitiv në aspektin e përfitimit të Unionit nga kjo eksperiencë e madhe e Turqisë, nënvizoi Ren dhe vijoi: “Unë mbështes anëtarësimin me të drejta të plota të Turqisë në Bashkimin Evropian”.

Komisionari Ren u ndal edhe efektet e mundshme që do të kishte në Turqi rënia e kërkesës në tregjet e BE-së për shkak të krizës ekonomike. “Mendoj se rënia e kërkesës në Evropë do ta tregojë peshën e vetë në rritjen e eksporteve turke në vitin 2012 për shkak se Turqia është një nga tregjet kryesore të Evropës. Por duke marrë në konsideratë të gjithë këta faktorë pres që rritja ekonomike e Turqisë në vitin 2012 të jetë 3,3%, kuptohet duke ndjekur një politikë monetare dhe financiare më kufizuese, tha Oli Ren. /trt/