Microsoft Office 2010 edhe në shqip

Gjatë ditës së sotme Microsoft ka lansuar edhe zyrtarisht pakon e gjuhës shqipe për suitën e aplikacioneve, Microsoft Office 2010.

Ashtu si në versionet paraprake edhe kjo e fundit mundëson që ndërfaqja e përdoruesit në kuadër të Office të transformohet në gjuhën shqipe dhe të lehtësohen punët për ata që kanë vështirësi në gjuhën angleze. E në anën tjetër pakoja “Microsoft Office Language Interface 2010” u sjellë edhe një tjetër element shtesë atyre që parapëlqejnë të kenë shumëçka në gjuhën shqipe në sistemin e tyre operativ.

Versioni i ofruar për shkarkim është versioni 1.0 ndërsa madhësia e shkarkimit është 16.0 deri në 33.6 mb, pra që nënkupton se ndryshon në varësi të asaj që zgjedh përdoruesi.

Ndërfaqet që përkrahen me pakon janë: Microsoft Office Excel 2010, Microsoft Office Onenote 2010, Microsoft Office Outlook 2010, Microsoft Office PowerPoint 2010 dhe Microsoft Word 2010. Sistemet operative që mbështeten janë Windows 7, Vista dhe XP.