Nis Kongresi i Feve Hyjnore dhe Tradicionale në Astana

nga Shkruaj Sun Jun 03, 2012 10:05 am

Ka filluar paraditen e djeshme Kongresi i Feve Hyjnore dhe Tradicionale në kryeqytetin e Kazakistasnit, në Astana. Në këtë kongres që realizohet në mikpritjen e Presidentit të Kazakistanit, Nursulltan Nazarbajev, marrin pjesë një numër i madh i klerikëve fetar nga katër anët e botës.

Drejtori i Entit të Turqisë për Çështjet Fetare, Dijanet, Prof. Dr. Mehmet Gormez (Mehmet Görmez) në fjalimin e tij të mbajtur në kongres bëri të ditur se në shekullin që lamë pas është krijuar një koncept i popullarizuar i botës që refuzon dhe injoron fenë ose që e neglizhon atë.

Gormez mbrojti qëndrimin se koncepti në fjalë duke e ndërprerë lidhjen e njeriut me të shenjtën ka çuar në shkatërrimin e mjedisit fizik dhe shpirtëror, raporton Trt.

“Sot bëjmë fjalë për Pranverën Arabe, flasim edhe për dhunën në botën islame”, tha Gormez dhe vijoi duke thënë se zhvillimet e jetuara komentohen vetëm si një përleshje historike ndërsektare.

“Ne si klerikë dhe si shkencëtarë jemi të detyruar të marrim parasysh ato që jetohen sot”, u shpreh ndër të tjera në fjalimin e tij Gormez. /Drita Islame/