U bë inagurimi i rindërtimit të "Xhamisë së Detarëve" në Ulqin

nga **emine** Sun Jun 03, 2012 9:57 am

Pas 81 viteve të rrënimit të xhamisë së Detarëve, njërës ndër më të vjetrat në Ballkan, sot Ulqinit i kthehet në pamjen e vet dhe hijerënd "Xhamia e Detarëve" në lagjen Ranë (buzë Plazhit të Vogël), me ndihmën e donatorëve nga qyteti i Allanias - Turqi dhe kontributet e qytetarëve vendas.

Në këtë ceremoni morën pjesë qytetar uliqinak, përfaqësuse institucionesh vendore shtetërore dhe fetare, përafqësuse të ambasadave në Mal të Zi, institucionet fetare nga rajoni, mysafir nga Turqia mike, si dhe mërgimtarë nga Europa dhe Amerika.

Manifestimi u hap me leximin e ajeteve nga Kur'ani, pastaj pasoi edhe me fjalimet e përshëndetëse të përfaqësuesve të bashkësive fetare nga Mali i Zi dhe Turqia si dhe kryetari i komunës së Ulqinit z.Nazif Cungu. Pastaj programi u freskua edhe me disa pika artistike nga kori i Medreses "Mehmet Fatih" të Tuzit.

"Islami është përhapur në mënyrë paqësore, kurse është mbrojtur me jetë dhe gjer sa të ketë minare të ngritura do tëshmohet edhe prezenca e paqës në një vend", - ishin fjalët e myftiut të Malit të Zi z.Rifat Fejziq.

Në fund të këtij programi edhe u bë ndarja e mirënjohjeve për kontribuesit e rindërtimit të këtij monumenti fetar dhe kulturor.
Më pas u fal edhe namazi i xhumas dhe pastaj edhe një koktej rasti në restoran Holegro. /mesazhi/