Myslimanet, proteste ndaj homoseksualeve, ne te njeten ore me paraden e gay-ve

Aktiviteti i lajmëruar i komunitetit LGBT ne 17 maj mund te hase ne një tjetër pengese. Forumi musliman shqiptar ka njoftuar se po ne këtë dite dhe madje ne te njëjtën ore, do te organizoje një manifestim me rastin e ditës se familjes. Roald Hysa, Sekretari i Forumit, sqaron për “Vizion Plus”, se aktiviteti synon te sensibilizoje shoqërinë për vlerat qe mbart familja, pa mohuar faktin se është edhe një lloj proteste ndaj homoseksualeve qe sipas tij, pretendojnë se po diskriminohen. Hysa sqaron se aktiviteti do te zhvillohet ne sheshin para Galerisë se Arteve dhe parkut “Rinia”, ndërsa për zhvillimin e tij kane marre leje ne polici. Ndërkohë, policia ka marre masa edhe për aktivitetin qe shoqata pro LGBT do te zhvillojë ditën e nesërme. Burime nga policia e kryeqytetit kane bere te ditur se aktiviteti, sipas lejes se dhënë, pritet te zgjasë rreth 3 ore, ndërsa do te zhvillohet ne Bulevardin “Dëshmorët e Kombit”. Për këtë arsye ne këtë orar policia, si ne çdo aktivitet tjetër te ngjashëm, do te bllokoje qarkullimin, ndërsa ka marre masa për shmangien e çfarëdolloj incidenti apo përplasjeje.

LGBT, aktivitet në Vlorë

Komuniteti LGBT është zhvendosur sot ne Vlorë, për te lobuar për te drejtat e homoseksualeve ne Shqipëri, pas dështimit te mini-manifestimit ne Bulevardin “Dëshmorët e Kombit”, qe u shoqërua dhe me incidente. Gjate takimit ne Teatrin “Petro Marko”, ky komunitet ka marre edhe mbështetjen e konsullit italian ne Vlorë, si dhe Avokatit te Popullit, te cilët kane bere thirrje për mos diskriminimin e tyre ne shoqëri. Takimi i Aleancës Kundër Diskriminimit të Komunitetit LGBT, vjen ne vijim te aktiviteteve qe i paraprijnë 17 Majit, Ditës Ndërkombëtare Kundër Homofobisë.