Vihet gurthemeli per Xhamine e pare ne Grac.

Me vurjen e gurthemelit, më 12 maj, është shënuar zyrtarisht fillimi i ndërtimit të xhamisë së parë dhe Qendrës kulturore islame në Grac

Në praninë e mijëra muslimanëve austriak, dhe atyre nga vendet tjera evropiane, gurthemelin e vendosi kryetari i Bashkësisë Islame të Austrisë, dr. Fuat Sanac. Ndërtimi i xhamisë filloi në 100-vjetorin e njohjes së Islamit në Austri.
Që projekti i ndërtimit të xhamisë në Grac të ketë sukses, muslimanët bujar të Gracit, në tre vitet e fundit, kanë paguar më shumë se një milion euro. Deri më sot ka rreth 1.000 vakufe në listën e vakëfeve, ndërsa pas hedhjes së gurthemeli pritet që ky numër të shtohet.
Me pjesëmarrjen e tyre ceremoninë e zbukuruan edhe përfaqësuesit e trupit diplomatik në Austri që vijnë nga Turqia, Arabia Saudite, Katari dhe vendet tjera të botës islame.
Ceremonia u zhvillua nën hijen e incidentit të fundit, një ditë para se të hedhet gurthemeli, kur persona të panjohur hedhën disa koka derri në tokën e vakufit.
Shumica e qytetarëve dhe politikanëve austriakë ishin zhgënjyer me këtë incident. Shumë institucione austriake në komunikatat e tyre u dhanë përkrahje muslimanëve në Austri, me shpresë se autorët do të gjendet dhe të dënohen në mënyrë adekuate./infoislame/