SHBA OFRON 40 MILIONË NDIHMA PËR REFUGJATËT SIRIANË

nga Princi_I_Zemrave Fri May 11, 2012 10:25 pm

Shtetet e Bashkuara të Amerikës do të ndihmojnë sirianët e larguar nga vendi me 40 milionë dollarë.

Ndihmat do të shkojnë kryesisht për të strehuarit në vendet fqinje me Sirinë.

Shtetet e Bashkuara të Amerikës deklaruan se do të vënë në dispozicion 40 milionë dollarë me qëllim për të ndihmuar shtetasit sirianë që janë prekur nga dhuna në Siri dhe janë strehuar kryesisht në vendet fqinje.

Përgjegjësja për çështjet e emigracionit, nënshtetësisë dhe refugjatëve në Departamenti amerikan të Shtetit, Anne C. Richard, në deklaratën që bëri Aman të Jordanisë tha: “Jam e lumtur që deklaroj ndihmën humanitare me vlerë rreth 40 milionë dollarë që Shtetet e Bashkuara të Amerikës do të sigurojnë me qëllim për të ndihmuar popullin sirian në këtë krizë”.

Shtetet e Bashkuara të Amerikës kanë bërë çdo gjë sa kanë pasur mundësi për tu siguruar ndihma humanitare personave të prekur nga dhuna në Siri”, shtoi Anne C. Richard.

40 milionë dollarët do t’u transferohen me anë të rrugës së bamirësisë kryesisht Komisariatit të Lartë të OKB-së për Refugjatët dhe organizatave humanitare.