TURQIA S'SHPEJTI ME TELEVIZION SHTETROR ISLAM ''TRT ISLAM''

Transmetimet e para të kanalit të ri televiziv të Radio Televizionit të Turqisë për çështje fetare do të fillojnë më 16 qershor 2012.

Transmetimet e para të kanalit të ri televiziv të Radio Televizionit të Turqisë për çështje fetare do të fillojnë më 16 qershor 2012.

Protokolli i kanalit Dijanet TV u nënshkrua pjesëmarrjen e zëvendëskryeministrave Bylent Arënç (Bülent Arınç) dhe Bekir Bozda (Bekir Bozdağ), Drejtorit të Përgjithshëm të TRT-së, Ibrahim Shahin (İbrahim Şahin) dhe Drejtorit të Institucionit për Çështje Fetare të Turqisë, Dijanet, Dr. Mehmet Gërmez (Mehmet Görmez).

Drejtori i Përgjithshëm i TRT-së, Ibrahim Shahin mbajti një fjalim me rastin e ceremonisë së nënshkrimit të protokollit.

Shahin dha një informacion të shkurtë në lidhje me përmbajtjen e kanalit.

“Ky kanal televiziv është një risi për Turqinë. Kanali fillimisht do të bëj transmetime 12 orë në ditë nëpërmjet kanalit TRT Anadollu. Për programet që do të transmetohen do të bëhet një bashkëpunim me Drejtorinë për Çështjet Fetare të Turqisë, Dijanetin. Në skemën e programeve të këtij kanali do të zënë vend programet e debateve, qyteti dhe feja, tradita e urtësisë, tregimet e xhamive, ora e interpretimit të Kur’anit, ora e pyetje-përgjigjeve në tema fetare, ora e këndimit të Kur’anit, transmetimi i drejtpërdrejt i namazit të xhumasë, programet e artit-kulturës, programet arsimore fetare për fëmijë, programe dokumentare, programe për gra dhe programe muzikore etj. Ky kanal me programet fetare dhe kulturore do ti drejtohet të gjithëve pa dallim orientimin fetar”, shprehet Shahin.

Ndërsa zëvendëskryeministri Bylent Arënç në fjalën e tij të rastit tha se “Duke filluar nga 17 korriku kanali TRT Dijanet TV para muajit të shenjtë të ramazanit, me një gëzim të ri, me një entuziazëm të madh do të filloj transmetimin e tij nga kanali i 5-të i TRT-së”.

Ndërkaq zëvendëskryeministri Bozda foli kështu: “Ishte një mungesë mos hedhja e këtij hapi deri më sot. Ky është hapi i parë i tillë që hedhim në fushën publike. Ky është një hap historik. Drejtoria për Çështje Fetare të Turqisë, Dijaneti dhe TRT-ja në bashkëpunim mes tyre fillimisht hapin një kanal për 12 orë por më vonë do të hidhen hapat që kjo të dalë në 24 orë”.

Transmetimet e para testuese të këtij kanali televiziv që do të filloj nga puna në muajin ramazan do të fillojnë më 16 qershor 2012 me rastin e Natës së Mirë të Miraxhit./infoislame/