Futbollisti Zinedin Zidan dhuron 1 milionë franga për Shqipërinë

nga **Albani** Mon Apr 30, 2012 8:51 pm

Legjenda e futbollit francez, Zinedin Zidan, ka dhuruar 1 milionë franga për Shqipërinë dhe ka vlerësuar pozitivisht futbollistët shqiptarë, duke i quajtur teknikë e të talentuar.

Ish-ylli i Realit të Madridit është ambasador i parë në OKB-së në fushatën kundër varfërisë dhe për këtë arsye ai ka ndihmuar Shqipërinë me një milion franga, pasi sipas tij vendi ynë është vendi më i varfër në Evropë.

Në një intervistë për të përditshmen shqiptare “Shqip”, “Zizu” ka folur për Shqipërinë e Kosovën dhe për nivelin e futbollit në të dy shtetet.

Zidan thotë se futbollistët shqiptarë janë teknikë dhe të shkathët dhe me të drejtë vuri në pah se në Shqipëri nuk ka kushte për zhvillimin e sportit.

“Di që Shqipëria është vendi më i varfër në Evropë dhe vazhdon të vuajë nga varfëria. Kjo ishte arsyeja jonë në misionin për të ndihmuar arsimin shqiptar dhe të fëmijëve të të gjithë rajonit, si pjesë e Evropës”, tha Zidan.

Ndërsa pyetjes nëse e njeh apo jo Kosovën, iu përgjigj: “Sigurisht që po, kush është ai që nuk e njeh sot Kosovën, e cila këto vitet e fundit ishte në epiqendër të mediave botërore, pasi regjimi serb ushtronte një terror të paparë kundër popullatës civile të pambrojtur në rajon.

Sot, falë komunitetit ndërkombëtar, shqiptarët e Kosovës jetojnë të çliruar, të padiskriminuar, pa dhunë, pa spastrime etnike, pa brenga. Pra në liri, demokraci dhe në pavarësinë e tyre”.

Në fund të 39-vjeçari analizoi kushtet e futbollit në Shqipëri, duke thënë që zhvillimi i dobët ekonomik e shoqëror i vendit tonë kanë penguar edhe zhvillimin e futbollit të mirëfilltë, pavarësisht se në Shqipëri dhe Kosovë ka shumë talente dhe të rinj të dhënë pas futbollit./Start/