Hollandë: Nuk do të kërkojë shfuqizimin e ligjit për ferexhe

Francois Hollande, i cili qëndron para Sarkozyt në të gjitha anketat publike, si shumica e socialistëve, ka abstenuar nga votimi në Asamblenë kombëtare franceze në vitin 2010, për ndalimin e bartjes së ferexhesë
Kandidati socialist për president të Francës, Francois Hollande, ka deklaruar të premten se nëse zgjidhet president, nuk do të kërkojë shfuqizimin e ligjit që ndalon mbajtjen e ferexhesë, të cilin e aprovuan konservatorët e presidentit Nikolas Sarkozy.
Hollande, i cili qëndron para Sarkozyt në të gjitha anketat publike, si shumica e socialistëve, ka abstenuar nga votimi në Asamblenë kombëtare franceze në vitin 2010, për ndalimin e bartjes së ferexhesë, raporton AP.
Ai, për radion RTL, ka deklaruar se do ta vazhdoj ndalimin nëse zgjidhet, por "do ta zbaton në mënyrën më të mirë të mundshme", duke mos e shpjeguar këtë deklaratë.
Ekzistojnë kundërshtime në lidhje me këtë ligj, i cili hyri në fuqi vitin e kaluar. Liderët muslimanë pohojnë se ky ligj nga padrejtësia stigmatizon muslimanët, ndërsa përkrahësit e ligjit thonë se ligji mbron shtetin laik francez. Vetëm një numër i vogël i grave në Francë bartin ferexhenë.