Fillon ndërtimi i xhamisë në Bruksel

Në Bruksel janë vendosur themelet e xhamisë Selimije, për të cilën thuhet se përfaqëson kulmin e projektimit arkitektonik.

E shënuar me simbolet e arkitekturës turke dhe asaj evropiane, xhamia është projektuar nga arkitekti i njohur turk Shefik Birkiye. Ajo do të ndërtohet në kuadër të komunës së Saint Josses, në hapësirë prej 2700 metra katror, ndërsa ana e brendshme e saj do të jetë në gjendje të pranoj 750 besimtarë.

Me vënjen e gurthemelit, pas përfundimit të namazit, Shefik Birkiye bashkë me ministrin në qeverinë rajonale, Emir Kir, vuri tullën e parë të xhamisë së re.

Kryetari i komunës Shën Josse, Jean Demannez, gjatë këtij momenti solemn mbajti një fjalim të shkurtë. Ai tha se për ndërtimin e objekteve fetare duhet të plotësohen kërkesa specifike të tilla si kriteret e sigurisë, respektimi i teksturës së qytetit dhe kërkesës së qytetarëve, duke shtuar se në xhamia Selimie e cila është shembull i objektit fetar e cila i plotëson të gjitha kushtet e vendosura.

Punimet në ndërtimin e xhamisë do të përfundojnë brenda dy viteve, ndërsa totali i shpenzimeve do të jetë katër milion euro. Xhamia pesëkatëshe me minare dhe kupollë përveç hapësirës për kryerjen e namazeve do të ketë edhe dhoma të destinuara për arsim dhe aktivitete