Më dëgjoni edhe pse jam i vogël

- Më keni fëmijë, më doni por mos më llastoni, sepse nuk mund të kem çdo gjë që kërkoj.

- Më edukoni që të jem i (e) vendosur, sepse këtë e dua shumë, si dhe vetëm atëherë mund t’i shoh gjërat reale.

- Mos përdorni forcë mbi mua e as trysni, sepse kjo më mëson që të bëhem i (e) tillë në jetë, madje edhe ndaj të pafajshmëve.

- Më udhëzoni me këshillë e butësi, bëhuni tolerant kur më mësoni, sepse jam i (e) vogël.

- Mos më premtoni atë që s’mund ta realizoni, sepse nga kërkesat e mia detyroheni të gënjeni, kurse unë mund ta mësoj si gjest normal.

- Unë jam i (e) vogël, shpesh mund të flas fjalë për t’ju shqetësuar juve, por ju gjeni mënyrën dhe metodën që t’më ngadhënjeni e jo të bini pre e provokimeve të mia, të cilat, nëse s’mi evitoni me kujdes, mund të më bëhen shumë të preferuara.

- Edhe pse jam shumë i (e) vogël, mos më trajtoni bebe, sepse kurrë s’mund të më jepni edukatën e duhur.

- Si çdo fëmijë, edhe unë kam shprehi të mira e të liga, por ju mos u bëni të tepërt, që të më akuzoni e të më qortoni në çdo kohë e moment, sepse unë kam inat dhe pastaj bëj gabime me qëllim

- Ngaqë jam rritur pak, shumë gjëra di t’i bëj vet, më lejoni t’i bëj e jo të m’i bëni ju, sepse ma humbisni vetëbesimin e ma shtoni varësinë nga ju .

- Të gabosh është diçka normale, por të korrigjosh është humane, andaj, nëse unë gaboj, mos më korrigjoni në prani të tjerëve, sepse s’ka efekt. Do të jeni të suksesshëm nëse këtë e bëni me qetësi kur jemi vetëm.

- Nëse jam në ndonjë situatë jo të pëlqyeshme për ju, nëse më gjeni duke u grindur me shokët (shoqet), mos më kritikoni në prani të tyre, sepse në ato momente më humb kontrolli e mund t’ju fyej edhe juve. Gjeni mënyrë të butë, më ndani nga ajo zjarrmi dhe pasi të qetësohem, më këshilloni dhe më kritikoni.

- Gabimet që bëj, m’i korrigjoni si prind i mirë, e jo të ma mbushësh kokën me fjalën mëkat, mëkat, mëkat, sepse unë jam njeri e jo engjëll, dua të mësohem nga ju që kur të gaboj apo mëkatoj, të di të pendohem.

- Nëse e teproni me kërkesat tuaja që të ju sqaroj pse kam gabuar, sidomos në ato gabime të cilat i kam bërë pa vetëdijen time, më bëni të jem i pasjellshëm dhe fyes edhe me qëllim, ndoshta edhe ndaj jush.

- Frika është pjesë e pandashme e njeriut, sidomos e fëmijës, edhe pse të jam i sinqertë gjithnjë, ndodh që ndonjëherë të gënjej, andaj mos gjykoni gjithmonë në bazë të sinqeritetit tim.

- Nëse gjithmonë vetëm më predikoni, do më bezdisni dhe, nga bezdia detyrohem t’i shpalos edhe të këqijat që di, e ti do çuditesh, madje, edhe do dëshpërohesh .

- Nëse njeri më qorton, të mos më përkrahë tjetri, sepse unë krijoj bindje të gabuar për ju, mendoj që s’keni autoritet e dashuri të ndërsjellë në mes vetes.

- Kujdes kur jam në gjumë, mos flisni fjalë a shprehje të ulëta, sepse unë ka mundësi të jem zgjuar po ju nuk e dini.

- Unë i dua filmat, sidomos ata për fëmijë, por i urrej skenat e juaja si në film, kur ju grindeni në pran
inë time.

- Nëse ju hidhërojnë gjyshërit e mi, mos i fyeni në praninë time, as mos më thoni gjë keq për ta, e urrej këtë gjë sepse unë i dua.

- Nëse s’më edukoni të jem i (e) kujdesshëm gjatë të ushqyerit, do t’ju turpëroj në çdo rast kur ne ushqehemi në prani të tjerëve po edhe tuajën.

- Para gjumit, nëse s’më edukoni që t’i laj duart, këmbët, dhëmbët e të vishem me pizhame, unë do të shtrihem me rrobat që kam mbajtur dhe luajtur gjatë tërë ditës, këtë e bëj sepse s’kam njohuri që nuk duhet bërë.

- U lodha me kërkesa e dëshira o prindërit e mi, e tëra ka qëllimin që në mua të formoni identitet dhe personalitet me norma të qarta e të drejta ashtu siç e ka lënë të porositur Muhamedi alejhi salatu ue selam.

Ju do shumë fëmija juaj!
fëmija juaj,